នៅរៀនគួរវិនិយោគទៅលើអ្វី?
ពេលនៅរៀន សិស្ស និស្សិតក៏អាចប្រឡូកក្នុងវិស័យវិនិយោគបាន ដរាបណាយើងចេះបែងចែកពេលវេលាបានត្រឹមត្រូវរវាងការវិនិយោគ និងការសិក្សា មិនឲ្យលើសខ្វះព្រំដែនទៅវិញទៅមក ហើយប្រាកដចិត្តថាអ្នកអាចរ៉ាប់រងហានិភ័យនានាកំឡុងពេលវិនិយោគនេះបាន។ អេដមីនសូមផ្ដល់គំនិត ៤ យ៉ាង សម្រាប់អ្នកកំពុងរៀនសូត្រដែលមានបំណងវិនិយោគ៖ ១. ភាគហ៊ុន និងបណ្ណបំណុល៖ សិស្សនិស្សិតអាចវិនិយោគនៅផ្សារមូលបត្រកម្ពុជា អាចទិញភាគហ៊ុនចាប់ពីមួយហ៊ុនឡើងនៅក្នុងក្រុមហ៊ុនចំនួន៧ ដែលបានចុះបញ្ជីនៅផ្សារមូលបត្រកម្ពុជា។ ចំពោះ “ភាគហ៊ុន” នៅពេលក្រុមហ៊ុនប្រកាសចែកភាគលាភ យើងនឹងទទួលបានប្រាក់ចំណេញរបស់ក្រុមហ៊ុន ដោយផ្អែកទៅលើសមមាត្រភាគហ៊ុនដែលវិនិយោគិនម្នាក់មាន។ ចំណែកឯ “បណ្ណបំណុល ឬសញ្ញាបណ្ណ” វិញ វិនិយោគិននឹងទទួលបានពីអ្នកបោះផ្សាយ នូវការប្រាក់នៅពេលជាក់លាក់ណាមួយជាប្រចាំ ព្រមទាំងប្រាក់ដើមត្រឡប់មកវិញនៅចុងគ្រា។ សូមបញ្ជាក់ផងដែរថា នៅវ័យសិក្សា គួរវិនិយោគលើអ្វីដែលអ្នកគិតថាអ្នកអាចទប់ទល់នឹងហានិភ័យបាន តែប្រសិនបើលោកអ្នកនៅស្ទាក់ស្ទើរ មិនដឹងចាប់ផ្ដើមវិនិយោគពីចំណុចណា គួរស្វែងរកអ្នកជំនាញ ឬឈ្មួញជើងសារណាម្នាក់ដើម្បីពិគ្រោះយោបល់អំពីការជូញដូរហ៊ុននេះ។ ២. វិនិយោគលើការសិក្សា៖ តើអ្នកដឹងទេថា ការសិក្សាក៏ជាការវិនិយោគមួយដែរ? ចំណាយថវិកាទៅលើការរៀនសូត្រ គឺជាការបណ្ដាក់ទុនវិនិយោគទៅលើវិជ្ជា បច្ចេកទេស បំណិនផ្សេងៗដើម្បីអភិវឌ្ឍមូលធនបញ្ញា។ វាទាមទារឲ្យយើងចំណាយកម្លាំង ពេលវេលា ការអត់ធ្មត់ ការតាមដានលទ្ធផលសិក្សា ការស្វែងរកគន្លឹះរៀនឆាប់ចេះ ដូចគ្នាទៅនឹងតិចនិចលេងភាគហ៊ុននេះឯង។ ចំណុចសំខាន់ដែលយើងចាត់ទុកការសិក្សារៀនសូត្រជាការវិនិយោគនោះ គឺផលចំណេញ។ […]
មុនអាយុ៣០ គួរធ្វើអ្វីខ្លះដើម្បីមានហិរញ្ញវត្ថុផ្ទាល់ខ្លួនល្អ?
តើអ្នកបានធ្វើខួបកំណើតអាយុ២៩ឆ្នាំហើយឬនៅ? បើបានធ្វើហើយ មានអារម្មណ៍យ៉ាងម៉េចដែរ? យល់ថាពេលវេលាដើរទៅមុខលឿនណាស់មែនទេ? មិនទាន់បានអីផង អាយុជិតចូលក្បាលបីទៅហើយ។ ក្រឡេកក្រោយពិនិត្យមើលឡើងវិញ ដូចជាមិនមានសេសសល់អ្វីជាដុំកំភួនសោះ។ ដើម្បីឱ្យអ្នកអាចអបអរខួបកំណើតទី៣០ឆ្នាំដោយរីករាយ និងមោទនភាព អ្នកគួរចាប់ផ្ដើមយកចិត្តទុកដាក់លើចំណុចមួយចំនួនខាងក្រោមនេះ៖ ១. បង្កើតទម្លាប់ហិរញ្ញវត្ថុល្អៗ ជារឿងមួយល្អដែលអ្នកចាប់ផ្ដើមបង្កើតទម្លាប់ហិរញ្ញវត្ថុល្អៗនៅចន្លោះអាយុ២០-៣០ឆ្នាំ។ ទម្លាប់ទាំងនេះ អាចជាការរៀបចំផែនការថវិកាប្រចាំខែ ការតាមដានចំណាយប្រចាំខែទៀងទាត់ ទម្លាប់សន្សំ ប្រាក់សម្រាប់ចូលនិវត្តន៍ និងសម្រាប់គ្រាអាសន្ន ទម្លាប់បង់ថ្លៃវិក្កយប័ត្រទឹកភ្លើង និងសេវាផ្សេងៗទាន់ពេលវេលា ទម្លាប់អានសៀវភៅអំពីហិរញ្ញវត្ថុផ្ទាល់ខ្លួន។ល។ ទម្លាប់ហិរញ្ញវត្ថុល្អ ជួយសម្រួលដល់ការរស់នៅរបស់យើង ពេលដែលយើងឈានចូលដល់ដំណាក់កាលមានទំនាក់ទំនងគូស្រករ មានកូន ឬត្រូវការផ្លាស់ប្ដូរការងារ។ ២. សាងអាជីពមួយរឹងមាំ នៅចន្លោះវ័យនេះ គ្នាយើងខ្លះបានចាប់ផ្ដើមការងារដំបូងរបស់ខ្លួន ហើយអ្នកខ្លះទៀតអាចនឹងប្ដូរទៅការងារទី២ ឬទី៣។ នេះជាពេលវេលាដ៏សំខាន់ដែលអ្នកអាចរកមើលការងារមួយដែលត្រូវនឹងចំណង់ចំណូលចិត្ត និងអត្តចរិតរបស់ខ្លួន។ ទន្ទឹមនឹងនេះ បើការងារដែលអ្នកចូលចិត្តផ្ដល់ចំណូលខ្ពស់ផង កាន់តែប្រសើរ។ ពេលរកឃើញហើយ អ្នកត្រូវប្រើពេលវេលានេះធ្វើការបណ្ដើរ និងពង្រឹងជំនាញដែលការងារនេះត្រូវការក្នុងពេលទន្ទឹមគ្នា។ អ្នកក៏អាចប្រើពេលវេលានេះដើម្បីស្គាល់ និងកសាងទំនាក់ទំនង ជាមួយបុគ្គលពាក់ព័ន្ធសំខាន់ៗក្នុងវិស័យការងាររបស់អ្នកផងដែរ។ នៅចន្លោះវ័យនេះ អ្នកមានសេរីភាពច្រើនផ្នែកទាំងពេលវេលា និងសុខភាព ក្នុងការធ្វើដំណើរ និងមានពេលវេលាអាចកែកុន ឬចាប់ផ្ដើមឡើងវិញបានក្នុងករណីដែលអ្នករកមិនទាន់ឃើញការងារដែលត្រូវនឹងអ្នក។ ដើម្បីឱ្យក្លាយជាបុគ្គលិកម្នាក់ដ៏សំខាន់ អ្នកក៏អាចចាប់ផ្ដើមរៀនជំនាញថ្មីៗ ឬភាសាបរទេសបន្ថែមដែលពាក់ព័ន្ធនឹង […]
លេង TikTok អាចរកលុយបានមែនអត់?
យើងធ្លាប់បានលើកឡើងម្ដងរួចមកហើយពី TikTok ដែលអាចនឹងគ្រងតំណែងជាបណ្ដាញសង្គមធំនាពេលអនាគ ដោយសារតែសន្ទុះនៃការគាំទ្រ និងការកើនឡើងនៃតម្លៃក្រុមហ៊ុនលោតឡើងខ្ពស់ត្រឹមតែរយៈពេល ២-៣ឆ្នាំ ចុងក្រោយនេះ។ យ៉ាងណាមិញ ប្រសិនបើអ្នកជាអ្នកនិយមលេង TikTok ឬធ្លាប់ឮពីកម្មវិធីនេះពីមុនមក តើអ្នកទាំងអស់គ្នាមានដឹងឬទេថា TikTok ក៏ជាកម្មវិធីដែលអាចផ្ដល់ប្រាក់ចំណូលដល់អ្នកបានដូចគ្នា។ ៥ វិធីខាងក្រោមនេះ ជារបៀបរកលុយបានតាមរយៈការលេង TikTok៖ ១. បង្កើតអាជីវកម្មអនឡាញ ដូចគ្នាទៅនឹង Facebook ឬ Youtube ដែរ អ្នកអាចបង្កើតអាជីវកម្មដើម្បីលក់ផលិតផល ឬសេវាកម្មរបស់អ្នកក្នុងកម្មវិធីនេះបាន ដែលអាជីវកម្មតាមអេឡិកត្រូនិក (E-commerce) ហាក់កំពុងពេញនិយមខ្លាំងក្នុងបណ្ដាញសង្គមទីកតុក (TikTok) នេះ។ អាជីវករតាមអនឡាញអាចផ្សព្វផ្សាយ លក់ម្ហូបអាហារ សម្លៀកបំពាក់ ភេសជ្ជៈ គ្រឿងសំអាងជាដើម ក្រោមស្លាកយីហោផ្ទាល់ខ្លួន ព្រមទាំងអាចកៀរគរអតិថិជនមកទិញដល់ហាងផ្ទាល់ក៏មាន បើសិនជាមានអ្នកលេងទីកតុកផ្សេងទៀត បង្ហោះវីដេអូសរសើរពីគុណភាពនៃផលិតផល ឬសេវាកម្មដែលអ្នកកំពុងជួញដូរ។ ២. ធ្វើខ្លួនឱ្យក្លាយជាអ្នកមានឥទ្ធិលពលក្នុងបណ្ដាញសង្គម (Influencer) អ្នកលេងត្រូវមានគំនិតច្នៃប្រឌិតក្នុងការផលិតមាតិកា (Good Contents) ដែលវីដេអូទាំងនោះត្រូវកំណត់គោលដៅច្បាស់ថាថា ជាប្រភេទមាតិកាដើម្បីអប់រំ កំប្លែង ឬគ្រាន់តែកម្សាន្តសប្បាយ។ នៅពេលដែលប្រជាប្រិយភាពរបស់អ្នកពង្រីកវិសាលភាពធំទៅៗ វាជាចំណុចវិជ្ជមានមួយ ដែលអ្នកអាចនឹងមានក្រុមហ៊ុន […]
ប័ណ្ណឥណទាន (Credit Card) និង ឥណទានបុគ្គល (Personal Loan)
ប័ណ្ណឥណទាន (Credit Card) និង ឥណទានបុគ្គល (Personal Loan) ជាសេវាកម្មផ្ដល់ប្រាក់កម្ចីពីខាងធនាគារដូចគ្នា គ្រាន់តែគោលបំណងនៃការផ្ដល់កម្ចី លក្ខខណ្ឌ និងកិច្ចព្រមព្រៀង ក៏ដូចជាអត្រាការប្រាក់ មានលក្ខណៈខុសៗគ្នា។ លក្ខណៈខុសគ្នារវាងប័ណ្ណឥណទាន និង ឥណទានបុគ្គល ភាពខុសគ្នារវាងឥណទានបុគ្គល និងប័ណ្ណទានត្រង់ ប័ណ្ណឥណទានផ្ដល់ជូននូវប្រាក់ឥណទាន (កម្ចី) ដើម្បីទូទាត់ថ្លៃទំនិញ និងសេវាកម្មក្នុងដែនកំណត់ឥណទាន ហើយទូទាត់សងប្រាក់ទៅធនាគារវិញតាមរយៈរបាយការណ៍ចាយវាយក្នុងគណនីរបស់អ្នក ខណៈពេលដែលអត្រាការប្រាក់ វាអាស្រ័យទៅតាមស្ថាប័ន ដោយស្ថាប័នធនាគារខ្លះ ពុំគិតការប្រាក់នោះទេក្នុងរយៈពេល៤៥ថ្ងៃ ប្រសិនបើលោកអ្នកទូទាត់សងប្រាក់ដែលជំពាក់មុនកាលបរិច្ឆេទ។ រីឯឥណទានបុគ្គលផ្ដល់ជូននូវប្រាក់កម្ចីជាលុយដុលជាមួយការអត្រាប្រាក់ចន្លោះពី 8% ទៅ 16% ក្នុងមួយឆ្នាំ (អាស្រ័យលើប្រភេទកម្ចី និងធនាគារ)។ កម្ចីនេះអ្នកត្រូវទូទាត់សងប្រាក់ជាដំណាក់កាល ក្នុងរយៈពេលកំណត់ណាមួយដែលធនាគារផ្ដល់ជូន។ លក្ខខណ្ឌមួយចំនួនមុនធនាគារផ្ដល់ជូនកម្ចី ប័ណ្ណឥណទានផ្ដល់ជូននូវឥណទាន (កម្ចី) ដោយអាស្រ័យដោយទ្រព្យធនាមានដូចជា ប័ណ្ណឥណពន្ធ ដីធ្លី អគារ រីឯឥណទានបុគ្គល អ្នកត្រូវមានទ្រព្យធនាដូចជាប្លឹងផ្ទះ ដីធ្លី ឬលិខិតបញ្ជាក់ពីអាជីវកម្មណាមួយដែលអ្នកកាន់កាប់។ *គួរចំណាំថា Credit Scoring ដើរតួយ៉ាងសំខាន់មួយក្នុងការអនុម័តលក្ខខណ្ឌសម្រាប់ឥណទាន បុគ្គល និងកម្ចីក្រេឌីត។ *Credit […]
គន្លឹះកាត់បន្ថយចំណាយ
ពេលខ្លះធ្លាប់លួចឆ្ងល់ថា «កាលពីប្រាក់ចំណូលនៅតិច ការចាយវាយវារៀងពិបាក ហើយមិនសូវសល់លុយកាក់ ដល់ពេលឥឡូវមានប្រាក់ចំណូលច្រើនហើយ ក៏ដូចជានៅតែមិនមានលុយសល់សោះ។ តើហេតុអ្វីទៅ? មូលហេតុនេះមកពីចំណាយរបស់យើងចេះតែកើនឡើង រីឯការចាយវាយយើងទៀតសោត មិនមានការគ្រប់គ្រងឱ្យបានត្រឹមត្រូវនៅឡើយ។ ខាងក្រោមនេះជាគន្លឹះក្នុងការកាត់បន្ថយចំណាយទាំង ៥ ដែលយើងគ្រប់គ្នាគួរដឹង និងយកទៅអនុវត្ត។ ១.ពិនិត្យឡើងវិញពីឥរិយាបថចាយវាយរបស់យើង ដើម្បីកាត់បន្ថយចំណាយបានយើងចាំបាច់ត្រូវស្គាល់ជាមុនថាមានហេតុផលអ្វីដែលធ្វើឱ្យយើងចំណាយច្រើនយ៉ាងដូច្នេះ? អ្នកអាចសង្កេតមើលការចាយវាយរបស់អ្នកថាតើអ្នកចាយវាយច្រើននៅពេលណា ទៅលើអ្វី។ ឧទាហរណ៍ដូចជា ជួនកាល យើងចាយប្រាក់ទៅតាមអារម្មណ៍របស់យើងពេលយើងមិនសប្បាយចិត្ត ស្ត្រេស ឬសប្បាយចិត្តពេលទទួលបានប្រាក់ចំណូលច្រើន បែរជាចាយវាយលុយកាក់ខ្ជះខ្ជាយ ដែលទាំងអស់នេះគេហៅថា Emotional Spending។ បើអ្នកមានទម្លាប់ចាយវាយបែបនេះ អ្នកគួរកាត់បន្ថយបន្តិចម្ដងៗហើយ។ ២.រៀបចំកញ្ចប់ប្រាក់សម្រាប់ចំណាយ ដើម្បីឱ្យការចាយវាយមានប្រសិទ្ធភាព អ្នកចាំបាច់ត្រូវតែចេះរៀបចំកញ្ចប់សាច់ប្រាក់នីមួយៗរបស់អ្នក ដូចជាប្រាក់សម្រាប់ទុកដាក់សន្សំ បង់ថ្លៃសាលា បង់ថ្លៃទឹកភ្លើង ចំណាយប្រចាំថ្ងៃ(ម្ហូបអាហារ) និងចំណាយផ្សេងៗទៀត ដែលជាតម្រូវការរបស់យើង ហើយរៀបចំសាច់ប្រាក់របស់យើងទៅតាមប្រភេទនៃចំណាយនោះ(សម្រាប់អ្នកដែលប្រើក្រដាសប្រាក់)។ #គន្លឹះ៖ យើងអាចប្រើវិធីរៀបចំសាច់ប្រាក់តាមបែប Envelope System ដោយរៀបចំសាច់ប្រាក់របស់យើងដាក់ក្នុងស្រោមសំបុត្រដាច់ដោយឡែកផ្សេងៗគ្នា ហើយស្រោមសំបុត្រនីមួយៗត្រូវសរសេរសម្គាល់ថា ទុកសម្រាប់ចាយវាយលើអ្វី ហើយមានចំនួនប៉ុន្មានដើម្បីចាយវាយក្នុងមួយថ្ងៃ មួយសប្ដាហ៍ ឬមួយខែជាដើម។ ៣.តាមដានការចាយវាយ មានផែនការចំណាយតែមួយមុខមិនគ្រប់គ្រាន់នោះទេ យើងត្រូវតែតាមដានចំណាយរបស់យើងជាប្រចាំផងដែរ […]
អត្ថបទថ្មីៗ
តើអ្នកទូទាត់ប្រាក់តាមវិធីណា
បច្ចេកវិទ្យាកាន់តែទំនើប ការទូទាត់ប្រាក់កាន់តែមានភាពងាយស្រួល។ ឥឡូវនេះមានវិធីទូទាត់ប្រាក់ច្រើនណាស់ដែលមាន សុវត្ថិភាព និងភាពងាយស្រួលជាងមុនទៅទៀត។
ម៉ាកាវរកចំណូលបានច្រើនជាងគេក្នុងវិស័យកាសុីណូនៅលើពិភពលោក
មើលរឿងចិនតាំងពីក្មេង តែងតែឃើញហើយបងតូចបងធំទៅលេងល្បែងនៅកាសុីណូឯម៉ាកាវ។ នរណាមិនល្បីកាសុីណូនៅម៉ាកាវនោះ។ អ្វីដែលសំខាន់មានរឿងជាច្រើនបាននិយាយពីកាសុីណូនៅ ម៉ាកាវនេះ
គម្រោង Ponzi Scheme (ផុនស៊ី)
តើអ្នកធ្លាប់លឺពីគម្រោង Ponzi Scheme (ផុនស៊ី) ដែរឬទេ?
ហេតុអ្វីក៏ស្ត្រីបន្តការសិក្សថ្នាក់អនុបណ្ឌិត ទទួលរងការរិះគន់?
ពីមុន កាលជំនាន់ព័ត៌មានមិនសូវទូលាយដល់គ្រប់ភូមិ តាមបណ្ដាញសង្គម ឱ្យតែនិយាយរឿងកូនស្រីរៀនបានខ្ពស់ គេច្រើនពេបមាត់ហើយនិយាយថា
The Big4
និយាយពី the Big4 បើសួរទៅសិស្ស accounting
ហេតុអ្វីបានជារឿងភាគកូរ៉េមានភាពល្បីល្បាញយ៉ាងនេះ?
និយាយពីរឿងភាគកូរ៉េខាងត្បូង ឬ K-drama ជាពិសេសរឿងដែលមានតួសម្តែងល្បីៗ ដូចជា
