៥ វិធីសន្សំលុយឲ្យបានសម្រេចតាមផែនការ

ពេលចង់សន្សំលុយម្ដងៗមិនដែលបានសម្រេចទេ! ចេះតែទម្លាក់លេខ ទម្លាក់ទីតាំងពេក ទើបផែនការសន្សំចេះតែបរាជ័យ 😭
ល្មមដល់ពេលកែទម្លាប់ទាំងអស់នេះហើយ! ថ្ងៃនេះ កាក់សេន សូមណែនាំវិធី ៥ ដើម្បីអាចសន្សំលុយឲ្យបានសម្រេចតាមផែនការ។ តើមានអ្វីខ្លះ?? អានបន្តទាំងអស់គ្នា;

1. កំណត់គោលដៅសន្សំ

ការកំណត់គោលដៅសន្សំច្បាស់លាស់មួយគឺដើម្បីជួយតម្រង់ទិសដៅឲ្យអ្នកស្គាល់ច្បាស់ពីគោលដៅដែលអ្នកចង់សម្រេចបាន។ ឧទាហរណ៍ថា អ្នកមានគោលដៅចង់សន្សំឲ្យបាន ៣០ដុល្លារក្នុងមួយខែ ឬ៣៦០ដុល្លារក្នុងមួយឆ្នាំ។ ជាមួយការកំណត់គោលដៅច្បាស់លាស់បែបនេះ យើងនឹងដឹងថាខ្លួនត្រូវប្ដេជ្ញាសម្រេចតាមគោលដៅនៃផែនការប៉ុនណា ត្រឹមរយៈពេលណា និងចៀសវាងការចាយវាយគ្មានកំណត់។

2. ចាយមានគម្រោង និងមានកម្រិត

ចំណុចនេះសំដៅដល់ការរៀបចំផែនការចំណាយដោយកំណត់ជាមុនថាក្នុងមួយខែៗត្រូវចាយប៉ុន្មាន និងទៅលើអ្វីខ្លះ ដើម្បីចៀសវាងការចាយវាយហួសកម្រិត និងខុសពីផែនការសន្សំ។ ក្នុងផែនការនេះ អ្នកអាចបែងចែកឲ្យដាច់រវាងចំណាយចាំបាច់ និងចំណាយបន្ទាប់បន្សំ (ឧទាហរណ៍ ចំណាយលើទំនិញមិនទាន់ត្រូវការភ្លាមៗ) ដ្បិតថាការចំណាយដែលមិនមានក្នុងផែនការ និងមិនចាំបាច់ នឹងនាំឲ្យផែនការសន្សំរបស់អ្នកបរាជ័យមិនខាន។

3. កត់ត្រាចំណាយទុក ដើម្បីស្រួលកាត់បន្ថយ

អ្នកអាចកត់ត្រាចំណាយកន្លងមករបស់អ្នកទុកក្នុងសៀវភៅ ឬប្រើកម្មវិធីកត់ត្រាចំណូលចំណាយក្នុងទូរសព្ទដៃក៏បាន។ ជាមួយកំណត់ត្រានេះ អ្នកអាចតាមដានដើម្បីវិភាគនិងប្រៀបធៀបពីលំនាំចំណាយរបស់អ្នក ថាតើការចាយវាយបានប្រព្រឹត្តទៅតាមការគ្រោងទុកឬអត់ និងមានចំណាយណាខ្លះដែលគួរកាត់បន្ថយឬទេ។

4. ដកលុយសន្សំទុក មុនចាយ

ពេលបើកប្រាក់ខែ ឬបានចំណូលប្រចាំខែមក អ្វីដែលត្រូវធ្វើមុនចាយ គឺដកលុយសម្រាប់សន្សំឲ្យហើយសិន ដោយអាចកំណត់យក ១៥% ឬ ២០%នៃប្រាក់ចំណូលប្រចាំខែ។ ការដកប្រាក់សន្សំមុនចាយគឺជាវិធីមានប្រសិទ្ធិភាពមួយក្នុងការសម្រេចគោលដៅសន្សំ ព្រោះអ្នកបានកំណត់ប្រាក់ដែលអ្នកអាចចាយវាយបានរួចជាស្រេច ហើយមិនបាច់ខ្លាចចាយអស់លុយដែលត្រូវសន្សំទៀតផង។

5. បើកគណនីសន្សំតាមផែនការ

បន្ទាប់ពីមានគោលដៅសន្សំច្បាស់លាស់ និងមានបញ្ជីចំណូលចំណាយត្រឹមត្រូវហើយ យើងត្រូវការទីកន្លែងមានសុវត្ថិភាពដែលអាចទុកចិត្តបានក្នុងការរក្សាលុយសន្សំរបស់យើង។

💡ជម្រើសដ៏ល្អនោះគឺផ្ញើលុយសន្សំរបស់យើងនៅធនាគារ អ៊ូរី ជាមួយ «គណនីសន្សំតាមផែនការ»។ អ្នកអាចសម្រេចគោលដៅសន្សំឲ្យកាន់តែមានប្រសិទ្ធិភាព ដោយដាក់ប្រាក់បញ្ញើសន្សំជាប្រចាំខែ ក្នុងចំនួនសមស្របតាមលទ្ធភាព ជាមួយជម្រើសរយៈពេលបញ្ញើមានភាពបត់បែនចាប់ពី 3 ខែដល់ 36 ខែ។

ភាពបត់បែនពិសេសនៃ «គណនីសន្សំតាមផែនការ» របស់ធនាគារ អ៊ូរី គឺ
👉អាចដាក់ប្រាក់បញ្ញើប្រចាំខែ ចាប់ពី 4ម៉ឺនរៀល ឬ 10 ដុល្លារឡើងទៅ

👉អាចទទួលបានអត្រាការប្រាក់ខ្ពស់រហូតដល់ 6.75% ក្នុងមួយឆ្នាំ (ចំពោះគណនីសន្សំជាប្រាក់រៀល រយៈពេលបញ្ញើ 3ឆ្នាំ)
ឬ ជម្រើសមួយទៀត អ្នកអាចដាក់ប្រាក់សន្សំជាប្រចាំក្នុងចំនួនកាន់តែទាបនោះគឺ «គណនីសន្សំតាមផែនការ ផ្លឹស» ដែល

👉អ្នកអាចដាក់ប្រាក់សន្សំចាប់ពី 2ម៉ឺនរៀល ឬ 5 ដុល្លារឡើងទៅ នៅពេលណាក៏បាន

👉អាចទទួលបានអត្រាការប្រាក់ខ្ពស់រហូតដល់ 6.5% ក្នុងមួយឆ្នាំ (ចំពោះគណនីសន្សំជាប្រាក់រៀល រយៈពេលបញ្ញើ 3ឆ្នាំ)។
ប្រិយមិត្តចង់សម្រេចគោលដៅសន្សំលុយតាមផែនការ និងមានចំណាប់អារម្មណ៍ចង់បើកគណនីសន្សំតាមផែនការ ណាមួយរបស់ធនាគារ អ៊ូរី អាចទាក់ទងផ្ទាល់ទៅកាន់គេហទំព័រផ្លូវការរបស់ធនាគារ Woori Bank Cambodia ឬទំនាក់ទំនងទៅកាន់ទូរស័ព្ទលេខ 023 96 3333 សម្រាប់ព័ត៌មានបន្ថែម។

ចុចទីនេះ: អ្នកមានគេគ្រប់គ្រងលុយបែបណា?