តើអ្នកធ្លាប់បានដឹងពីសេវាកម្មធានាគារទាំងនេះពីមុនដែរទេ?
១ ពេលអ្នកខ្ចីលុយពីធនាគារ អ្នកអាចចរចារអត្រាការប្រាក់ ព្រមទាំងលក្ខខណ្ឌផ្សេងៗបាន។ មុននឹងចរចា កុំភ្លេចសិក្សាពីតម្លៃទីផ្សារ ដែលធនាគារផ្សេងៗផ្តល់ ហើយពេលចរចារ គួរនិយាយល្អពីខ្លួនឯងក្នុងនាមជាអតិថិជនផងដែរ ពោលគឺមូលហេតុអ្វីគេគួរបញ្ចុះតម្លៃឲ្យយើង។
២ ពេលដកកម្ចីពីធនាគារ អត្រាការប្រាក់ទាបមិនប្រាកដថាយើងចំណេញទេ។ អ្នកគួរស្វែងយល់បន្ថែមទៀតអំពីថ្លៃសេវាផ្សេងៗ ដូចជាថ្លៃរដ្ឋបាល ឬ ថ្លៃដំណើរការ(processing fee) ហើយយកមកប្រៀបធៀបថា តើលុយសរុបត្រូវបង់ឲ្យធនាគារ គឺប៉ុន្មាន ជាជាងមើលតែទៅលើអត្រាការប្រាក់ទទេរ។
៣ បើសិនជាអ្នកសល់លុយ ហើយចង់សងធនាគារមុន កុំភ្លេចមើលលក្ខខណ្ឌគេផងណា៎។ ការសងលុយធនាគារមុនកាលកំណត់ អ្នកអាចត្រូវពិន័យបងថ្លៃទូទាត់សងមុនកាលកំណត់ ដែលជាទូទៅស្មើ៣%នៃចំនួនទឹកប្រាក់ដែលបង់សង។ មួយវិញទៀត បើសិនជាអ្នកសល់លុយ យកលុយនោះទៅបង្វិលរកសុី បង្កើនទ្រព្យ ក៏ចំណេញមួយយ៉ាងដែរ។
៤ ការមិនដែលខ្ចីលុយពីធនាគារសូម្បីម្តងក៏មិនប្រាកដជារឿងល្អដែរ។ ដោយគ្មានប្រវត្តិជាអ្នកខ្ចីពីធនាគារ វាអាចផ្តល់ការលំបាកដល់ការវាយតម្លៃថា តើអ្នកជាអតិថិជនបែបណា ពេលដែលដកកម្ចី។ ដូច្នេះ វាអាចធ្វើឲ្យអ្នកមានភាពលំបាកក្នុងការដកកម្ចីលើកដំបូង។
៥ នៅពេលអ្នកឆូតកាតដើម្បីទិញទំនិញ ឬបង់ថ្លៃសេវាអ្វីមួយ ធនាគារគិតថ្លៃសេវាពីហាង ប្រហែល២% រាល់ការទូទាត់។
មុននឹងធ្វើអ្វីមួយ កុំភ្លេចសិក្សាស្រាវជ្រាវពីលក្ខខណ្ឌគេឲ្យបានច្បាស់លាស់សិនណា៎😉
#កាក់សេន #kakcent #banking
