Kakcent
  • ទំព័រដើម
  • ចំណូលចំណាយ
  • សន្សំ
  • វិនិយោគ
  • ហិរញ្ញវត្ថុ
  • ពន្ធនិងច្បាប់
  • ធានារ៉ាប់រង
  • ម៉ាស៊ីនគិតលេខ
គ្មានលទ្ធផល
មើលលទ្ធផលទាំងអស់
  • ទំព័រដើម
  • ចំណូលចំណាយ
  • សន្សំ
  • វិនិយោគ
  • ហិរញ្ញវត្ថុ
  • ពន្ធនិងច្បាប់
  • ធានារ៉ាប់រង
  • ម៉ាស៊ីនគិតលេខ
គ្មានលទ្ធផល
មើលលទ្ធផលទាំងអស់
Kakcent
គ្មានលទ្ធផល
មើលលទ្ធផលទាំងអស់
ប្រភេទ ហិរញ្ញវត្ថុ

​ភាព​មិន​ស្មោះត្រង់​និង​ការ​រំលោភបំពានផ្នែក​ហិរញ្ញវត្ថុ​ក្នុង​ជីវិត​អាពាហ៍ពិពាហ៍

២ ឆ្នាំមុន
1 នាទីក្នុងការអាន
364
ទស្សនា
FacebookTwitterLinkedinTelegramQR Code
​ភាព​មិន​ស្មោះត្រង់​និង​ការ​រំលោភបំពានផ្នែក​ហិរញ្ញវត្ថុ​ក្នុង​ជីវិត​អាពាហ៍ពិពាហ៍
FacebookTwitterLinkedinTelegramQR Code

​នៅ​ក្នុង​ជីវិត​អាពាហ៍ពិពាហ៍​ ​ហិរញ្ញវត្ថុ​ជា​មធ្យោបាយ​ចំបង​មួយ​សម្រាប់​ផ្គត់ផ្គង់​តម្រូវ​ការ​ផ្សេងៗ​ក្នុង​គ្រួសារ​។​ ​ប្រើប្រាស់​បាន​ត្រឹមត្រូវ​ ​មាន​ទំនាក់ទំនង​ល្អ​ ​និង​មាន​ភាព​ស្មោះត្រង់​រវាងគ្នានឹងគ្នា​ ​ហិរញ្ញវត្ថុ​ក្នុង​គ្រួសារ​នឹង​ជួយ​ឱ្យ​គ្រួសារ​មួយ​រីក​ចម្រើន​ ​និង​មាន​សុភមង្គល​។​ ​ផ្ទុយទៅវិញ​ ​ប្រសិនបើ​គ្មាន​ភាព​ស្មោះត្រង់​ទេ​នោះ​ ​វា​អាច​ឱ្យ​គ្រួសារ​មួយ​មាន​ទំនាស់​ ​ឬ​អាច​ឈាន​ដល់​ការ​បែកបាក់​គ្នា​ទៀត​ផង​។​
​បញ្ហា​ហិរញ្ញវត្ថុ​គ្រួសារ​ពីរ​​​ដែល​យើង​នឹង​លើកយក​មក​ស្វែងយល់​ ​គឺ​ភាព​មិន​ស្មោះត្រង់​ផ្នែក​ហិរញ្ញវត្ថុ​ ​និង​ការ​រំលោភបំពាន​ហិរញ្ញវត្ថុ​។​
​financial​ ​infidelity in married life

​ភាព​មិន​ស្មោះត្រង់​ផ្នែក​ហិរញ្ញវត្ថុ​ ​ឬ​ ​Financial​ ​Infidelity​

​គឺ​នៅពេលដែល​ដៃគូ​លាក់លៀម​ ​ឬ​មិន​បង្ហាញ​ដោយ​ស្មោះត្រង់​អំពី​លុយកាក់​ ​ទ្រព្យសម្បត្តិ​ ​និង​បំណុល​ដែល​ពួកគេ​មាន​ជាដើម​។​ ​ឧទាហរណ៍​មួយ​ចំនួន​មាន​ដូចជា​៖​
• ​លាក់បាំង​ពី​តម្លៃ​ពិតប្រាកដ​នៃ​ទំនិញ​ដែល​ខ្លួន​បាន​ទិញ​ជាមួយ​ដៃគូ​
• ​លួច​ប្រើប្រាស់​ក្រេ​ឌីត​កាត​
• ​លួច​លក់ដូរ​ទ្រព្យសម្បត្តិ​រួម​
• ​បង្កើត​គណនី​សម្ងាត់​មិន​ឱ្យ​ដៃគូ​ដឹង​
• ​ផ្ដល់​ក​ម្ចី​ដល់​មិត្តភក្តិ​ ​ឬ​គ្រួសារ​ ​ដោយ​មិនបាន​ប្រាប់​ដល់ដៃ​គូ​
• ​លាក់បាំង​ក​ម្ចី​ឥណទាន​ (​មុន​ ​ឬ​ក្រោយ​) ​អាពាហ៍ពិពាហ៍​
• ​ចាប់ផ្ដើម​ចំណាយ​លុយកាក់​លើ​ការ​វិនិយោគ​ដោយ​មិន​ឆ្លងកាត់​ការពិភាក្សា​
• ​លួច​លេងល្បែងស៊ីសង​ផ្សេងៗ​

​ក្រៅពី​នេះ​ ​ការ​លួច​មាន​អ្នក​ទី​៣​លួចលាក់​ ​ដែល​ផ្គត់ផ្គង់​លុយកាក់​ក៏​រាប់ថាជា​ ​ភាព​មិន​ស្មោះត្រង់​នៃ​ហិរញ្ញវត្ថុ​ដែរ​។​

​ភាព​មិន​ស្មោះត្រង់​ផ្នែក​ហិរញ្ញវត្ថុ​អាច​បណ្ដាលមកពី​មូលហេតុ​ផ្សេងៗ​ជាច្រើន​ដូចជា​៖​

• ​ទម្លាប់​ចាយវាយ​ខ្ជះខ្ជាយ​
• ​កង្វះ​ការ​ពិភាក្សាគ្នា​ឱ្យ​បាន​ច្បាស់លាស់​អំពី​ផែនការ​ហិរញ្ញវត្ថុ​
• ​ចំណាយ​របស់​គ្រួសារ​ដោយសារ​មានទំនុក​ចិត្ត​តាំងពី​ពេល​ស្រឡាញ់​គ្នា​ដំបូង​
• ​ការ​ព្រួយបារម្ភ​ខ្លាចក្រែង​ដៃគូ​មិន​សប្បាយចិត្ត​ ​ឬ​ស្ដីបន្ទោស​
• ​ភាព​មិន​ទុកចិត្ត​គ្នា​ពាក់ព័ន្ធ​ ​នឹង​ហិរញ្ញវត្ថុ​ដែល​កើតមាន​តាំងពី​មុន​ពេល​ចាប់ដៃ​គ្នា​
• ​និង​ការចាយវាយ​ដើម្បី​ផ្គើន​ ​ឬ​សងសឹក​ដៃគូ​ខ្លួន​ដែល​មិន​យកចិត្តទុកដាក់​ចំពោះខ្លួន​ជាដើម​។​ល​។​

​ដំណោះស្រាយ​ល្អ​បំផុត​ពេល​មាន​ដូចជា​៖​

• ​ប្រឈម​មុខជា​មួយ​ដៃគូ​របស់​អ្នក​
• ​និយាយ​គ្នា​ដោយ​បើកចំហ​រ​អំពី​បញ្ហា​នេះ​ ​មិនមែន​ក្នុង​គោលបំណង​ស្ដីបន្ទោស​ ​ប៉ុន្តែ​ដើម្បី​ដោះស្រាយបញ្ហា​ ​និង​ចៀសវាង​កុំ​ឱ្យ​កើតមាន​ម្ដងទៀត​នៅ​ពេលក្រោយ​។​ ​បើ​អ្នក​ស្ដីបន្ទោស​តាម​កំហឹង​ ​និង​ការ​អាក់​អន់​ ​ចិត្ត​ ​ដៃគូ​របស់​អ្នក​ដាច់ខាត​នឹង​ប្រើ​គ្រប់​វិធី​ដើម្បី​បន្ត​កុហក​ ​លាក់លៀម​បន្ត​ទៀត​។​


ការ​រំលោភបំពាន​ហិរញ្ញវត្ថុ​ ​ឬ​ ​Financial​ ​Abuse​

ការ​រំលោភបំពាន​ហិរញ្ញវត្ថុ​ ​ឬ​ ​Financial​ ​Abuse​

​ជា​ទម្រង់​មួយ​នៃ​អំពើ​ហិង្សា​ក្នុង​គ្រួសារ​ ​ដែល​រួម​មាន​ការគាបសង្កត់​មិន​ផ្ដល់​លុយកាក់​សម្រាប់​ចាយវាយ​ ​ការ​គ្រប់គ្រង​ចំណាយ​ទាំងអស់​នៅក្នុងផ្ទះ​ដោយ​មិន​ផ្ដល់​សិទ្ធិ​ឱ្យ​ដៃគូ​ចូលរួម​សម្រេច​ចិត្ត​ពាក់ព័ន្ធ​នឹង​ ​ហិរញ្ញវត្ថុ​ជាដើម​។​

​ការ​រំលោភបំពាន​ហិរញ្ញវត្ថុ​អាច​កើតមាន​ចំពោះ​មនុស្ស​គ្រប់រូប​ ​រវាង​ដៃគូ​ ​រវាង​ឪពុក​ម្ដាយ​ ​និង​កូន​ ​ឬ​រវាង​អាណាព្យាបាល​ ​និង​កុមារ​ដែល​គាត់​មើល​ថែ​។​ល​។​ ​ការ​រំលោភបំពាន​ហិរញ្ញវត្ថុ​អាច​កើតមាន​ក្នុង​រូបភាព​ផ្សេងៗ​ដូចជា​៖​
• ​ការត្រួតត្រា​ចំណាយ​ក្នុង​គ្រួសារ​ជ្រុល​ហួសហេតុ​
• ​ក្លែង​បន្លំ​ហត្ថលេខា​ ​ឬ​ឯកសារ​ហិរញ្ញវត្ថុ​ផ្សេង​
• ​បង្ខិតបង្ខំ​ដៃគូ​ឱ្យ​យល់ព្រម​ខ្ចី​បំណុល​ ​ឬ​ធានា​សង​
• ​បង្ខំ​ឱ្យ​សមាជិក​គ្រួសារ​កែ​បណ្ដាំ​មរតក​
• ​ហាមឃាត់​សមាជិក​គ្រួសារ​ពី​សកម្មភាព​ធ្វើការងារ​រក​ប្រាក់ចំណូល​
• ​ហាមឃាត់​សមាជិក​គ្រួសារ​មិន​ឱ្យ​បង្កើត​ ​ឬ​ប្រើប្រាស់​គណនី​ធនាគារ​
• ​មិនទៅ​ធ្វើការ​រក​ប្រាក់ចំណូល​ដើម្បី​ជួយ​ផ្គត់ផ្គង់​គ្រួសារ​
• ​លក់​ទ្រព្យសម្បត្តិ​រួម​ដើម្បី​ប្រយោជន៍ផ្ទាល់ខ្លួន​

​យើង​ច្រើន​យល់ថា​ ​ការ​ផ្ដល់​សិទ្ធិ​ឱ្យ​ដៃគូ​គ្រប់គ្រង​ ​និង​ចាត់ចែង​ចំណូល​ចំណាយ​របស់​គ្រួសារ​១​០​០​% ​ជា​ការ​ ​បង្ហាញ​ក្ដី​ស្រឡាញ់​ ​និង​ការ​ទុកចិត្ត​គ្នា​។​ ​ផ្ទុយទៅវិញ​ ​គឺ​ការសន្ទនា​គ្នា​ដោយ​បើកចំហ​រៀបចំផែនការ​ ​ចំណូល​ចំណាយ​រួមគ្នា​ ​និង​សម្រេច​ចិត្ត​រួមគ្នា​ទៅវិញ​ទេ​ ​ដែល​អាច​ជួយ​ឱ្យ​ជីវិត​អាពាហ៍ពិពាហ៍​ជៀសវាង​នូវ​បញ្ហា​ពាក់ព័ន្ធ​នឹង​ហិរញ្ញវត្ថុ​គ្រួសារ​។​

​ក្រៅពី​នេះ​នៅ​មាន​បទដ្ឋាន​សង្គម​មួយ​ចំនួន​ទៀត​ ​ក៏​អាច​ជះ​ឥទ្ធិពល​ដល់​របៀបគ្រប់គ្រង​ហិរញ្ញវត្ថុ​ក្នុង​ ​គ្រួសារ​ដែរ​។​ ​ជាក់ស្ដែង​ ​មិនថា​គាត់​ជា​ស្ត្រី​ឬ​បុរស​មាន​ពិការភាព​ ​ឬ​យល់ថា​ខ្លួន​មិនសូវ​ពូកែ​គ្រប់គ្រង​លុយកាក់​ ​ទោះ​គាត់​មិន​មាន​ប្រាក់ចំណូល​ ​ឬ​មាន​ចំណូល​តិច​ជាង​អ្នកក្ដី​ ​គាត់​នៅតែ​ជា​ដៃគូ​របស់​អ្នក​ ​ហើយ​គាត់​មាន​សិទ្ធិ​ដឹងឮ​ ​ចូលរួម​គ្រប់គ្រង​ ​និង​សម្រេច​ចិត្ត​លើ​ការប្រើប្រាស់​ហិរញ្ញវត្ថុ​របស់​គ្រួសារ​៕​

ពាក្យទាក់ទង: ​ភាព​មិន​ស្មោះត្រង់​
ចែករំលែកTweetចែករំលែកចែករំលែកScan

ចូលរួមជាមួយពួកយើង

Kakcent

Follow us on facebook

Kakcent

Follow us on Linkedin

Kakcent

Follow us on Instragram

Kakcent

Subscribe us on Youtube

កំពុងពេញនិយម

សវនកម្ម (Audit)
ពន្ធនិងច្បាប់ ហិរញ្ញវត្ថុ

សវនកម្ម (Audit)

២ ឆ្នាំមុន
០១
តើធនាគារពាណិជ្ជមានតួនាទីអ្វីខ្លះ?
ហិរញ្ញវត្ថុ

តើ​ធនាគារ​ពាណិជ្ជ​មាន​តួនាទី​អ្វីខ្លះ?

២ ឆ្នាំមុន
០២
ឋានានុក្រម​នៃ​តម្រូវ​ការ​ទាំង​៥ របស់​មនុស្ស​ម្នាក់ៗតាម​ទ្រឹ​​ស្តី​លោក ​Maslow​
ចំណូលចំណាយ ហិរញ្ញវត្ថុ

ឋានានុក្រម​នៃ​តម្រូវ​ការ​ទាំង​៥ របស់​មនុស្ស​ម្នាក់ៗតាម​ទ្រឹ​​ស្តី​លោក ​Maslow​

២ ឆ្នាំមុន
០៣
តើភាគហ៊ុនគឺជាអ្វី?
វិនិយោគ

តើភាគហ៊ុន​គឺជា​អ្វី?

២ ឆ្នាំមុន
០៤

អត្ថបទទាក់ទង

ការការពារហិរញ្ញវត្ថុ
ហិរញ្ញវត្ថុ
៤ ខែមុន

ការការពារហិរញ្ញវត្ថុ

ហិរញ្ញវត្ថុ
៥ ខែមុន

ទាល់តែ​ជូនលុយ​​​ ​ទើប​ចាត់ទុកជា​ការតបស្នងគុណអ្នកមានគុណមែនទេ?

សន្សំ ហិរញ្ញវត្ថុ
៥ ខែមុន

​ពេលនៅឆ្ងាយពីគ្រួសារ

ចំណុចគួរដឹងមុនដកកម្ចី
ហិរញ្ញវត្ថុ
៥ ខែមុន

ចំណុចគួរដឹងមុនដកកម្ចី

ហិរញ្ញវត្ថុ
៥ ខែមុន

ការវិវត្តនៃរូបិយវត្ថុ

អត្រាប្តូរប្រាក់ប្រែប្រួលបណ្តាលមកពីកត្តាអ្វីខ្លះ?
ហិរញ្ញវត្ថុ
៥ ខែមុន

អត្រាប្តូរប្រាក់ប្រែប្រួលបណ្តាលមកពីកត្តាអ្វីខ្លះ?

ហិរញ្ញវត្ថុ
៥ ខែមុន

ឲ្យលុយបងប្អូន ឬមិត្តភក្ដិខ្ចី គួរធ្វើកិច្ចសន្យាទេ?

បើអាជីវកម្មមានលុយសល់មិនប្រើប្រាស់
វិនិយោគ ហិរញ្ញវត្ថុ
៥ ខែមុន

បើអាជីវកម្មមានលុយសល់មិនប្រើប្រាស់

អត្ថបទបន្ទាប់
​ការ​ទិញ​ផ្ទះ​ ​ជា​ការ​វិនិយោគ​?

​ការ​ទិញ​ផ្ទះ​ ​ជា​ការ​វិនិយោគ​?

អំពីយើង

កាក់សេនគឺជាគេហទំព័រផ្សព្វផ្សាយអំពីហិរញ្ញវត្ថុផ្ទាល់ខ្លួន និងអក្ខរកម្មហិរញ្ញវត្ថុឈានមុខគេនៅកម្ពុជា។

ទំនាក់ទំនង

Email: [email protected]
Phone: + 855 77 57 96 69 , + 855 15 97 96 92

  • ទំព័រដើម
  • ចំណូលចំណាយ
  • សន្សំ
  • វិនិយោគ
  • ហិរញ្ញវត្ថុ
  • ពន្ធនិងច្បាប់
  • ធានារ៉ាប់រង
  • ម៉ាស៊ីនគិតលេខ
Facebook Instagram Tiktok Linkedin-in Youtube
  • ទំព័រដើម
  • ចំណូលចំណាយ
  • សន្សំ
  • វិនិយោគ
  • ហិរញ្ញវត្ថុ
  • ពន្ធនិងច្បាប់
  • ធានារ៉ាប់រង
  • ម៉ាស៊ីនគិតលេខ

កាក់សេនគឺជាគេហទំព័រផ្សព្វផ្សាយអំពីហិរញ្ញវត្ថុផ្ទាល់ខ្លួន និងអក្ខរកម្មហិរញ្ញវត្ថុឈានមុខគេនៅកម្ពុជា។

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

Go to mobile version