គម្រោងហិរញ្ញវត្ថុសម្រាប់ពេលមានបញ្ហាសុខភាព

កុំទាន់អូសទៅណា! នាទីគិតគូរពីសុខភាព និងអាយុជីវិត!
លោកអ្នកធ្លាប់គិតទេថា ចូលពេទ្យសម្រាកព្យាបាលម្ដងៗ អស់មិនតិចឡើយ? ប៉ុន្តែគ្មាននរណាម្នាក់អាចទស្សន៍ទាយទុកមុនពីជំងឺ ឬគ្រោះថ្នាក់ដែលនឹងត្រូវកើតឡើងទេ ហើយក៏មិនចង់ចំណាយច្រើនដែរ បើករណីការចំណាយនោះមិនបានត្រៀមទុក។
អ៊ីចឹង យើងគួរត្រៀមលុយទុកសម្រាប់ពេលមានបញ្ហាសុខភាពដូចម្ដេច?

ផលវិបាកបើគ្មានលុយត្រៀមទុក

បើយើងគ្មានផែនការហិរញ្ញវត្ថុត្រឹមត្រូវ ឬមិនបានសន្សំលុយទុកទេនោះ យើងអាចនឹងជួបផលវិបាកមួយចំនួនដូចជា៖

គ្មានលុយសម្រាប់សង្រ្គោះបន្ទាន់

ពេលជួបគ្រោះថ្នាក់ ឬរោគាកាចសាហាវណាមួយ អ្នកត្រូវបង់ថ្លៃព្យាបាលផង ថ្លៃថ្នាំផង និងថ្លៃបន្ទប់ទៀត។ ឧបមាថាអ្នកមិនបានត្រៀមលុយទុក តើអាយុជីវិតអ្នកត្រូវបានធានាការពារពេញលេញទេ? ហានិភ័យអាចកើតឡើងគ្រប់វិនាទី។

ចំណាយកាន់តែគរជើង

សង្គ្រោះបន្ទាន់ម្ដង មិនទាប់ចប់ទេ។ ជំងឺ ឬស្ថានភាពគ្រោះថ្នាក់ខ្លះ ទាមទារការតាមដាន និងព្យាបាលបន្ត ដែលញ៉ាំងឱ្យចំណាយកាន់តែគរជើង។ បើយើងមិនបានត្រៀមថវិកា លុយយើងកាន់តែខើច បង្កឧបសគ្គកាន់តែច្រើន។

ប៉ះពាល់កញ្ចប់ថវិកាដទៃ

ដើម្បីដោះស្រាយបញ្ហា ឬគ្រោះថ្នាក់ដែលអាចកើតមានភ្លាមៗ យើងនឹងត្រូវយកលុយជីវភាពប្រចាំខែ ឬសម្រាប់ការចំណាយផ្សេងៗមកប្រើប្រាស់។ ការធ្វើបែបនេះ មិនត្រឹមតែលុយអាចមិនគ្រប់សម្រាប់ស្រាយបញ្ហា ថែមទាំងប៉ះពាល់ដល់ការចំណាយដែលបានត្រៀមទុកសម្រាប់ប្រើប្រាស់លើផ្នែកផ្សេងៗទៀត។

គម្រោងហិរញ្ញវត្ថុ

ដើម្បីការពារហានិភ័យហិរញ្ញវត្ថុដែលអាចកើតមាន យើងគួរមានគម្រោងហិរញ្ញវត្ថុដូចជាប្រាក់បម្រុងសម្រាប់គ្រាអាសន្ន (Emergency Fund) ឬគម្រោងធានារ៉ាប់រងអាយុជីវិតដែលមានការការពារ និងអត្ថប្រយោជន៍ជាកញ្ចប់សាច់ប្រាក់សម្រាប់បញ្ហាសុខភាពផង និងអាយុជីវិតផង។

ឧទាហរណ៍ដូចជា គម្រោងមរតកខ្ញុំជាមួយ មេនូឡាយហ្វ៍ ដែលទទួលបានការការពារ និងសន្សំក្នុងគម្រោងតែមួយ៖ https://www.manulife.com.kh/.../manulife-savings...

យើងឃើញថា តាមរយៈគម្រោងការពារអាយុជីវិតពិតជាបានជួយទប់ទល់ និងស្រោចស្រង់ស្ថានភាពហិរញ្ញវត្ថុទៅដល់បុគ្គលដែលមានជំងីធ្ងន់ធ្ងរពិតប្រាកដមែន។ អតិថិជនដែលធ្លាប់ទទួលបានអត្ថប្រយោជន៍ជាកញ្ចប់សាច់ប្រាក់ ទទួលបានសន្តិភាពផ្លូវចិត្ត ផ្តោតលើការព្យាបាលឲ្យបានជាសះស្បើយ ជាជាងបារម្ភពីបញ្ហាហិរញ្ញវត្ថុ។ នេះហើយជាគុណតម្លៃនៃធានារ៉ាប់រងអាយុជីវិត៕

*មាតិកានេះនាំមកជូនប្រិយមិត្តដោយ កាក់សេន និងសហការដោយ Manulife Cambodia