ការលក់ទំនិញឬសេវាកម្មគឺជាផ្នែកមួយដ៏សំខាន់នៃការប្រកបអាជីវកម្មគ្រប់ប្រភេទ ដែលក្នុងនោះ អ្នកប្រហែលជាឆ្ងល់ថា ហេតុអ្វីបានជាអ្នកខ្លះអាចលក់ទំនិញឬសេវាកម្មបានច្រើន ខណៈដែលអ្នកខ្លះលក់បានតិច។ ថ្ងៃនេះ យើងនឹងបកស្រាយនូវចម្ងល់របស់អ្នក ថាតើមានចំនុចសំខាន់ៗអ្វីខ្លះដែលជួយអោយយើងលក់ទំនិញឬសេវាកម្មបានច្រើន។
1. យល់ពីអតិថិជនគោលដៅ
យល់ពីតម្រូវការ ឥរិយាបថ ទម្លាប់ និងបញ្ហាដែលអតិថិជនគោលដៅកំពុងជួបប្រទះ ដើម្បីផ្ដល់នូវផលិតផលឬសេវាកម្មដែលគាត់ពេញចិត្ត។
2. ពង្រឹងគុណភាពផលិតផល
គុណភាព និងភាពលេចធ្លោនៃផលិតផលរបស់អ្នកជាចំណុចសំខាន់បំផុតដើម្បីប្រកួតប្រជែងជាមួយទីផ្សារសេរីក្នុងយុគសម័យនេះ។
3. កំណត់តម្លៃលក់សមរម្យ
អ្នកលក់គប្បីសិក្សាពីតម្លៃទីផ្សារនៃផលិតផលនោះឱ្យបានច្បាស់លាស់ ចៀសវាងការកំណត់តម្លៃលក់ខ្ពស់ពេក ដែលពិបាកទទួលយក និងមិនអាចទាក់ទាញអតិថិជនបានច្រើន។
4. Promotions
ការដាក់លក់ក្នុងប្រូម៉ូតសិនអាចទាក់ទាញអតិថិជនថ្មីមកសាកល្បងផលិតផលរបស់អ្នក ក៏ដូចជាអាចឱ្យអ្នកលក់ដាច់ជាងមុន។
Click here to read more about: 12 Ways to Effectively Promote a New Product or Service
5. ផ្សព្វផ្សាយនៅលើបណ្ដាញសង្គម
បណ្ដាញសង្គមសព្វថ្ងៃបានក្លាយទៅជាទីផ្សារផ្សព្វផ្សាយផលិតផលមួយដ៏ពេញនិយម និងមានប្រសិទ្ធភាពខ្ពស់បំផុត។
បង្កើតទំនាក់ទំនងល្អជាមួយអតិថិជន
ការយកចិត្តទុកដាក់និងបង្កើតទំនាក់ទំនងល្អជាមួយអតិថិជនគឺដើម្បីទាក់ទាញឱ្យពួកគាត់ចង់មកប្រើទំនិញឬសេវាកម្មរបស់អ្នកម្ដងទៀត។ រីឯសម្រង់មតិស្មោះត្រង់ពីពួកគាត់នឹងជួយចង្អុលបង្ហាញពីចំណុចខ្លាំងនិងចំណុចខ្សោយនៃផលិតផល ឬអាជីវកម្មរបស់អ្នកផងដែរ។
