ចេះជំនាញទាំង៦មុខនេះបើចង់ចេញរកសុី

​ការ​រក​សុី​មិនថា​តូច​ឬ​ធំ​ ​មិនមែន​ជា​រឿង​ងាយស្រួល​នោះ​ទេ​ ​មិនមែន​មាន​ដើមទុន​បើក​អាជីវកម្ម​ហើយ​ការងារ​ចប់​ ​រង់ចាំ​តែ​ជោគជ័យ​នោះ​ទេ​។​ ​ការ​រកស៊ី​បែប​ណា​ក៏​ត្រូវការ​អ្នកគ្រប់គ្រង​ដែល​មាន​ជំនាញ​ ​និង​ការ​គ្រប់គ្រង​ដែល​មានប្រសិទ្ធិភាព​ដែរ​។​ ​ដូច្នេះ​បើ​ចង់​ចេញ​រកស៊ី​ ​យ៉ាងហោចណាស់​គួរតែ​មាន​ជំនាញ​៦​នេះ​ ​ដើម្បីឲ្យ​របរ​រក​សុី​ដើរទៅ​មុខ​បាន​យ៉ាង​រលូន​។​

1. ​ជំនាញ​ហិរញ្ញវត្ថុ​

​ជំនាញ​នេះ​អាច​ជួយ​យើង​ក្នុង​ការចាត់ចែង​ហិរញ្ញវត្ថុ​ទាំងមូល​របស់​អាជីវកម្ម​ដូចជា​ ​រៀបចំផែនការ​ ​តាមដាន​ ​និង​ ​គ្រប់គ្រង​សកម្មភាព​ចំណូល​ ​និង​ចំណាយ​ ​ព្រោះ​បើ​អ្នកតា​ម​ដាន​មិនបាន​ត្រឹមត្រូវ​ ​អ្នក​ពិបាក​ណាស់​ក្នុង​ការប្រើប្រាស់​លុយ​ឲ្យ​មានប្រយោជន៍​ដល់​អាជីវកម្ម​ ​និង​អាច​ធ្វើឲ្យ​ខាតបង់​។​

2. ​ជំនាញ​ទី​ផ្សារ​ ​លក់​ ​និង​ ​សេវាកម្ម​អតិថិជន​​

ជំនាញ​ខាង​ទី​ផ្សារ​ ​និង​លក់​ ​ជា​ជំនួយ​ដល់​អាជីវកម្ម​ក្នុង​ការ​ផ្សព្វផ្សាយ​ទាក់ទាញ​ ​និង​ស្វែងរក​អតិថិជន​ដែល​ត្រូវការ​ផលិតផល​ឬ​សេវា​របស់យើង​។​ ​ពេល​មាន​អតិថិជន​ហើយ​ ​ជំនាញ​ខាង​សេវាកម្ម​អតិថិជន​នឹង​ជួយ​ឲ្យ​យើង​ចេះ​ផ្គាប់ចិត្ត​ ​បំពេញ​តម្រូវ​ការ​ ​និង​ដោះស្រាយបញ្ហា​ជូន​អតិថិជន​។​

3. ​ជំនាញ​ដឹកនាំ​

ចំពោះ​អាជីវករ​ដែល​ត្រូវធ្វើ​ការ​ជា​ក្រុម​ ​ឬ​មាន​បុគ្គលិក​ក្រោមបង្គាប់​ ​ជំនាញ​នេះ​ជួយ​ឲ្យ​ ​ដឹង​ពី​របៀប​ដឹកនាំ​សមាជិក​ ​ឬ​បុគ្គលិក​ឲ្យ​មានការ​សហការ​គ្នា​បាន​ល្អ​ ​និង​រឹង​មាំ​។​ ​ជំនាញ​នេះ​សំខាន់​ព្រោះ​វា​ផ្តោត​លើ​មនុស្ស​ ​និង​ផ្តល់​ចក្ខុវិស័យ​ក្នុង​ការ​​​ដឹកនាំ​អាជីវកម្ម​ឲ្យ​ដំ់ណើ​រកា​រ​ទៅ​មុ​។​

4. ​ជំនាញ​ទំនាក់ទំនង​ ​និង​ចរចា​

ជំនាញ​ចរចា​ ​និង​ទំនាក់ទំនង​អាច​ជួយ​សម្របសម្រួល​គម្រោង​ផែនការ​ឲ្យ​ដើរ​រលូន​ជាង​មុន​ ​ជួយ​ឲ្យ​យើង​ចរចា​កិច្ចសន្យា​បាន​សម្រេច​ ​និង​ ​ជៀស​វៀង​ពី​បញ្ហា​ ​ឬ​ការយល់​ច្រ​លំ​ដែល​អាច​ប៉ះពាល់​ដល់​ការ​សហការ​ណាមួយ​។​ ​មិនតែប៉ុណ្ណោះ​ ​ជំនាញ​នេះ​ក៏​ជួយ​ឲ្យ​យើង​បង្កើន​ភាព​ទាក់ទាញ​ ​និង​ទំនុក​ចិត្ត​ដល់​អតិថិជន​ដើម្បីឲ្យ​ការចរចា​បានផល​ទៅតាម​ការ​រំពឹង​ទុក​ផង​ដែរ​។​

5. ​ជំនាញ​ដោះស្រាយបញ្ហា​

របររកស៊ី​ណា​ក៏​គង់​ជួប​បញ្ហា​តូច​ ​ឬ​ធំ​ ​តែ​អ្វី​ដែល​សំខាន់​គឺ​យើង​មាន​ភាព​រហ័សរហួន​ក្នុង​ការដោះស្រាយបញ្ហា​ទាំងនោះ​។​ ​ដូច្នេះ​ ​យើង​គួរតែ​មាន​ជំនាញ​នេះ​ ​ព្រោះ​វា​ជួយ​យើង​ស្វែងយល់​ដើមហេតុ​នៃ​បញ្ហា​ ​និង​រក​វិធី​ដោះស្រាយ​ត្រឹមត្រូវ​ ​សក្ដិ​សម​ដើម្បី​ជៀស​ផុត​ពី​ហា​និ​ភ័យ​។​ ​ជាពិសេស​ ​ជំនាញ​នេះ​អាច​ជួយ​ឲ្យ​យើង​ចេះ​បត់បែន​ ​ដោះស្រាយបញ្ហា​ទោះ​ក្នុង​ស្ថានភាព​បែប​ណា​ក៏ដោយ​។​

6. ​បង្កើត​បណ្តាញ​ទំនាក់ទំនង​

​បណ្តាញ​ទំនាក់ទំនង​ក៏​ជា​រឿង​សំខាន់​ក្នុង​ការ​រក​សុី ​ក្នុង​ករណី​យើង​មានបំណង​ចង់​ស្វែងរក​ដៃគូ​រ​សហការ​ ​ឬ​ចង់​ពង្រីក​អាជីវកម្ម​។​ ​យើង​អាច​ប្រើ​ជំនាញ​នេះ​ដើម្បី​បាន​ស្គាល់​ទាក់ទង​មនុស្ស​ច្រើន​ក្នុង​វិ​ស​័​យ​ផ្សេងៗ​ ​ដើម្បី​សហការ​គ្នា​ ​និង​ទាក់ទាញ​អ្នក​វិនិយោគ​ផង​ដែរ​។​
​ជាចុងក្រោយ​ ​ជំនាញ​ទាំង​៦​នេះ​ជា​ជំនួយ​មួយ​ផ្នែក​ជ​ម្រុ​ញ​ដល់​ការ​រកស៊ី​របស់យើង​ឲ្យ​កាន់តែ​រីក​ចម្រើន​។​ ​ទន្ទឹម​នឹង​នោះ​ដែរ​ ​ការ​អត់​ធ្នត់ ​តស៊ូ​ ​ខិតខំ​ប្រឹងប្រែង​ ​ក៏​រួមចំណែក​ក្នុង​ការ​ជោគជ័យ​នៃ​អាជីវកម្ម​របស់យើង​។​

© 2022 – 2023 K​A​K​CENT​ | ​រក្សាសិទ្ធិ​ដោយ​កាក់​សេន​
​សូម​ទាក់ទង​មក​ពួកយើង​ ​ប្រសិនបើ​អ្នក​ចង់​យក​មាតិកា​យើង​ទៅ​ប្រើប្រាស់​បន្ត​។