​ផ្សារ​អន​ឡា​ញ​អន្តរជាតិ​ដែល​ពេញនិយមនៅ​ប្រទេស​យើង​

​​ពី​មួយថ្ងៃ​ទៅ​មួយថ្ងៃ​ ​បច្ចេកវិទ្យា​កាន់តែ​មាន​ភាព​ជឿនលឿន​ ​ចំណែក​ឯកា​រ​ទិញ​ទំនិញ​ក៏​កាន់តែ​មាន​ភាព​ងាយស្រួល​ជាង​មុន​។​ ​យើង​អាច​សង្កេតឃើញ​ថា​ ​តាំងពី​មាន​វត្តមាន​ជំងឺ​កូ​វី​ដម​ក​ ​ការ​បញ្ជាទិញ​ទំនិញ​នា​ពេល​បច្ចុប្បន្ន​កាន់តែ​រហ័ស​ជាង​មុន​ ​បើ​ធៀប​ទៅ​នឹង​ប៉ុន្មាន​ឆ្នាំមុន​។​ ​ផ្សារ​អន​ឡា​ញក​៏​រីក​ដូច​ផ្សិត​ ​មាន​ទាំង​បញ្ជាទិញ​តាម​គេហទំព័រ​ ​និង​តាម​កម្មវិធី​ទូរស័ព្ទ​ដែល​កំពុង​មាន​ភាព​ពេញ​និយម​ក្នុង​ប្រទេស​យើង​។​ ​យើង​មិន​ត្រឹមតែ​អាច​កុម៉្មង់​ទិញ​បាន​ក្នុង​ប្រទេស​ប៉ុណ្ណោះ​ទេ​ ​យើង​ក៏​អាច​ទិញ​មកពី​បរទេស​ដូចជា​ប្រទេស​ចិន​ ​និង​អា​មេ​រិ​ច​ជាដើម​។​

​ថ្ងៃនេះ​ ​យើង​នឹង​ពាំ​នាំ​ផ្សារ​អន​ឡា​ញ​អន្តរជាតិ​ដែល​កំពុង​មានសន្ទុះ​ក្នុង​ប្រទេស​យើង​ចំនួន​៤​មក​ចែករំលែក​ជា​ការយល់​ដឹង​។​

🛒 ​Taobao ​៖​ ​

មាន​មូលដ្ឋាន​នៅ​ប្រទេស​ចិន​ ​មាន​ទម្រង់​ជា​ ​mobile​ ​a​p​p​ ​ផង​ ​និង​គេហទំព័រ​ផង​។​ ​T​a​ob​a​o ​មាន​លក់ទំនិញ​ច្រើនមុខ​ច្រើន​ប្រភេទ​ ​តាំងពី​សំលៀកបំពាក់​ ​ស​ម្ភារៈ​តុបតែង​គេហដ្ឋាន​ ​ស​ម្ភារៈ​ប្រើប្រាស់​ក្នុង​ផ្ទះបាយ​ -​ល​- ​រីឯ​តម្លៃ​ក៏​ថោក​សមរម្យ​ ​ជាពិសេស​ពេល​មាន​កម្មវិធី​បញ្ចុះតម្លៃ​ក្នុង​ឱកាស​បុណ្យទាន​ផ្សេងៗ​ដូចជា​ ​ថ្ងៃ​ 11 ​ខែ​ 11 (11.11 ​sale​) ​បុណ្យចូលឆ្នាំ​ចិន​ជាដើម​។​ ​ប៉ុន្តែ​ដោយសារ​ ​T​a​ob​a​o ​មាន​មូលដ្ឋាន​នៅ​ប្រទេស​ចិន​ ​គេ​ប្រើ​ភាសា​ចិន​ជា​ភាសា​គោល​នៅ​ក្នុង​ ​platform​។​ ​ដូចនេះ​ ​សម្រាប់​អ្នក​អត់​ចេះ​ភាសា​ចិន​អាច​ពិបាក​បន្តិច​។​ ​តែ​អ្នក​អាច​ប្រើប្រាស់​សេវា​ភ្នាក់ងារ​ជួយ​ទិញ​ឲ្យ​ដោយ​គេ​នឹង​គិតថ្លៃ​សេវា​មួយ​ចំនួន​ទៅតាម​លក្ខខណ្ឌ​ក្រុមហ៊ុន​ផ្សេងគ្នា​។​ ​ទោះ​យ៉ាងណា​ អេ​ដ​មីន​សូម​ដាស់តឿន​បន្តិច​ផង​ថា​ ​កុំ​ឃើញ​តម្លៃ​ធូរ​ថ្លៃ​ៗ​ ​ចុច​ចូល​កន្ត្រក​ចុះឡើង​ៗ​ភ្លេចខ្លួន​ ​ប្រយ័ត្ន​ដាច់ខែ​ដាច់​ស្បៀង​ណា៎​! 😌

🛒 ​AliExpress​ ​៖​ ​

ជា​ផ្នែក​មួយ​នៃ​ក្រុមហ៊ុន​ ​A​l​i​b​a​b​a​ ​Group​ ​បង្កើត​ដោយ​លោក​ ​Jack​ ​Ma​ ​និង​មាន​មូលដ្ឋាន​នៅ​ប្រទេស​ចិន​ដូច​ ​T​a​ob​a​o ​ដែរ​។​ ​A​l​i​Express​ ​មាន​ទាំង​គេហទំព័រ​ ​និង​ ​mobile​ ​a​p​p​ ​ដែល​មាន​ភាព​ងាយស្រួល​សម្រាប់​អ្នកប្រើប្រាស់​។​ ​បើ​និយាយ​ពី​ប្រភេទ​ទំនិញ​វិញ​ ​A​l​i​Express​ ​មាន​លក់ទំនិញ​គ្រប់​ប្រភេទ​ ​ដែល​តម្លៃ​ក៏​ប្រហាក់ប្រហែល​ទៅ​នឹង​តម្លៃ​ទំនិញ​ក្នុង​ ​T​a​ob​a​o ​ដែរ​។​ ​តែ​ចំណុច​ពិសេស​គឺ​នៅត្រង់​ថា​ ​ក្នុង​ ​A​l​i​Express​ ​អ្នក​អាច​ប្រើប្រាស់​ភាសា​អង់គ្លេស​បាន​។​ ​អ៊ីចឹង​វា​មាន​ភាព​ងាយស្រួល​បន្តិច​សម្រាប់​អ្នក​មិន​ចេះ​ភាសា​ចិន​ ​ព្រោះ​អាច​បញ្ជាទិញ​អីវ៉ាន់​ខ្លួនឯង​បាន​ ​ដោយ​មិន​ចាំបាច់​ប្រើ​សេវា​ភ្នាក់ងារ​ជួយ​ទិញ​ដែល​ផ្ទុយពី​ ​T​a​oB​a​o​។​

🛒 ​Amazon​ ​៖​

​ជា​គេហទំព័រ​ ​និង​មាន​មូលដ្ឋាន​នៅ​ប្រទេស​អា​មេ​រិ​ច​។​ ​Amazon​ ​ចាប់ផ្ដើម​ដំណើរការ​តាំងពី​ឆ្នាំ​១​៩​៩​៤​ ​មានមុខ​ទំនិញ​ច្រើន​បែប​ច្រើនយ៉ាង​ ​ជាមួយនឹង​តម្លៃ​សមរម្យ​។​ ​ប៉ុន្តែ​មាន​បញ្ហា​ប្រឈម​នឹង​ការ​​​ដឹកជញ្ជូន​ឆ្លង​ប្រទេស​ ​និង​ពន្ធ​មួយ​ចំនួន​ ​ដោយ​ពេលខ្លះ​ថ្លៃ​សេវា​ទាំងនេះ​អាច​នឹង​មាន​តម្លៃ​លើស​ថ្លៃ​ទំនិញ​ដែល​យើង​កុម្ម៉ង់​ទៅទៀត​។​ ​តែ​អ្នក​អាច​ប្រើប្រាស់​សេវា​ភ្នាក់ងារ​នៅ​ខ្មែរ​ឲ្យ​គេ​ជួយ​ទិញ​ ​ដើម្បី​កាត់បន្ថយ​ថ្លៃ​ចំណាយ​លើ​ការ​​​ដឹកជញ្ជូន​ពី​អា​មេ​រិ​ចម​ក​ខ្មែរ​។​ ​វា​ជា​ជម្រើស​ពេញ​និយម​សម្រាប់​អ្នក​ដែល​ចង់​ធានា​បាន​គុណភាព​ទំនិញ​ ​ដ្បិត​អាច​បញ្ជាទិញ​ផ្ទាល់​ដោយខ្លួនឯង​ពី​ប្រទេស​អា​មេ​រិ​ច​។​

🛒 ​L​a​z​a​d​a​​៖​

​មាន​ទាំង​គេហទំព័រ​ ​ទាំង​ ​mobile​ ​a​p​p​ ​និង​មាន​វត្តមាន​នៅ​ ​៥​ប្រទេស​គឺ​ ​សឺ​ង្ហ​បុរី​ ​ម៉ា​ឡេ​សុី ​ឥណ្ឌូ​នេសុី ​ហ្វីលីពីន​ ​វៀតណាម​ ​និង​ថៃ​។​ ​L​a​z​a​d​a​ ​ត្រូវ​បាន​បង្កើត​ឡើង​នៅ​ឆ្នាំ​ ​២​០​១​២​ ​ហើយ​ក្រោយមក​ក្លាយ​ជា​ ​platform​ ​លក់ទំនិញ​ពិសេស​ប្រចាំ​តំបន់​អាស៊ី​អាគ្នេយ៍​របស់​ ​A​l​i​b​a​b​a​ ​Group​ ​ក្នុង​ឆ្នាំ​ ​២​០​១​៦​។​ ​ដូច​ផ្សារ​ទាំង​ ​៣​ ​ខាងលើ​ដែរ​ ​ដោយសារតែ​ទំនិញ​នៅ​ក្នុង​ ​L​a​z​a​d​a​ ​មាន​តម្លៃថោក​ ​រួម​ជាមួយនឹង​ជម្រើស​នៃ​ហាងទំនិញ​ជាច្រើន​ ​ទើប​ ​L​a​z​a​d​a​ ​ទទួល​បានការ​គាំទ្រ​ពីសំណាក់​អ្នកប្រើប្រាស់​ជាច្រើន​។​ ​ចំណែក​ឯ​អតិថិជន​ក៏​អាច​​​រក​ទំនិញ​ដែល​ពួកគេ​អាច​ទុកចិត្ត​លើ​គុណភាព​បាន​ដូចគ្នា​។​ ​យ៉ាងណាមិញ​ ​L​a​z​a​d​a​ ​មិនទាន់​មាន​សេវា​ដឹកជញ្ជូន​ផ្ទាល់​មកកាន់​ប្រទេស​កម្ពុជា​នោះ​ទេ​ ​ទើប​កន្លងមក​នេះ​ ​អ្នកទិញ​ទំនិញ​ពី​ ​L​a​z​a​d​a​ ​ត្រូវ​ប្រើប្រាស់​សេវាកម្ម​ភ្នាក់ងារ​ជួយ​ទិញ​។​

​ដូច​បាន​រៀបរាប់​ខាងលើ​ ​ផ្សារ​អន​ឡា​ញ​ទាំងអស់​នេះ​កំពុងតែ​ទទួល​បានការ​គាំទ្រ​ពីសំណាក់​អ្នកប្រើប្រាស់​ជាច្រើន​ ​ដោយសារតែ​តម្លៃ​ដ៏​សមរម្យ​ ​ភាព​ងាយស្រួល​ក្នុង​ការ​ទិញ​ទំនិញ​តាម​អន​ឡា​ញ​ ​និង​ចំណេញពេលវេលា​ ​ព្រោះ​មិន​ចាំបាច់​ទាល់តែ​ធ្វើដំណើរ​ទៅដល់​ប្រទេស​ទាំងនោះ​ទើប​អាច​ទិញ​របស់​ដែល​ខ្លួន​ចង់បាន​។​ ​ឥលូវ​ដល់​វគ្គ​អេ​ដ​មីន​ចង់​ដឹង​ពី​ប្រិយ​មិត្ត​វិញ​ម្ដង​ ​ថា​តើ​រាល់​ដង​កុម្ម៉ង់​ទំនិញ​មកពី​ណាខ្លះ​?

© 2021 – 2022 K​A​K​CENT​ | ​រក្សាសិទ្ធិ​ដោយ​កាក់​សេន​
​សូម​ទាក់ទង​មក​ពួកយើង​ ​ប្រសិនបើ​អ្នក​ចង់​យក​មាតិកា​យើង​ទៅ​ប្រើប្រាស់​បន្ត​។