លុយរៀលជារូបិយប័ណ្ណជាតិ

អេដមីនជឿថាគ្រប់គ្នាសុទ្ធតែមានគណនីធនាគារជាប្រាក់ដុល្លារ តែមានប៉ុន្មាននាក់ដែលមានគណនីជាប្រាក់រៀល?
ការប្រេីប្រាស់ប្រាក់រៀល ទាំងលេីប្រព័ន្ធឌីជីថល ឬមិនឌីជីថលក្តី គ្មានអីពិបាកទេ។ ការពិតទៅ វាមិនត្រឹមតែផ្តល់ផលចំណេញ ហើយថែមទាំងមានសារសំខាន់ជាច្រេីនទៀតផង។ ម្យ៉ាង ការបេីកគណនីជាប្រាក់រៀលសព្វថ្ងៃមានភាពងាយស្រួលណាស់ លឿនរហ័ស ដោយមិនចាំបាច់ទៅធនាគារផ្ទាល់ក៏បាន និងមិនខាតលើអត្រាប្ដូរប្រាក់ទៀត។ មិនតែប៉ុណ្ណោះ អ្នកថែមទាំងអាចចាយវាយឬ ទូទាត់លុយខ្មែរតាមតែទូរស័ព្ទដៃបានគ្រប់ពេលវេលា។

ចង់ដឹងអត់ថា គេបើកគណនីដោយមិនចាំបាច់ទៅធនាគាររបៀបណា សូមអានបន្តទាំងអស់គ្នា!

ការប្រេីប្រាស់លុយរៀល មិនត្រឹមតែជួយលេីកតម្កេីងអត្តសញ្ញាណជាតិប៉ុណ្ណោះទេ ថែមទាំងជួយជម្រុញសេដ្ឋកិច្ចជាតិទៀតផង។ ក្រៅពីបង្កេីនតម្លៃហាងឆេងលុយរៀល ការចាយលុយរៀលនឹងជួយកាត់បន្ថយការខាតបង់លេីអត្រាប្តូរប្រាក់ជាមួយនឹងលុយដុល្លារទៀត។
ការលើកស្ទួយរូបិយប័ណ្ណជាតិខ្មែរ គឺចាប់ផ្ដើមពីយើងម្នាក់ៗ ដោយការរួមគ្នាប្រើប្រាស់ប្រាក់រៀល និងធ្វើឲ្យប្រាក់រៀលកាន់តែមានស្ថេរភាព។

មានគណនីជាលុយខ្មែរស្រួលដាក់-ដក និងស្រួលចាយ

សព្វថ្ងៃ ងាកទៅណាក៏គេទទួល ABA ដែរ! មានគណនីជាប្រាក់រៀល អ្នកអាចទូទាត់គ្រប់យ៉ាងជាមួយប្រាក់រៀល មិនថាបង់ ទឹក ភ្លើង សំរាមបានកាន់តែងាយស្រួល! មិនខាតថ្លៃកន្ទុយដូចពេលចាយលុយដុល្លារនៅពេលគេគិតលុយរៀលសោះ។ បើមើលស្ទើរតែគ្រប់ហាងទំនិញ និងអ្នកលក់ដូរតាមផ្លូវ តាមផ្សារនានាវិញ នរណាៗក៏សុទ្ធតែមានទទួលទូទាត់ប្រាក់តាមការស្កេន QR កូដដែរ។ អ៊ីចឹង បើមានគណនីជាប្រាក់រៀលមួយ ទោះបីមិនមានលុយខ្មែរតាមខ្លួន ក៏នៅតែចាយបានតាមទូរស័ព្ទ។