គួរ​វិនិយោគ​លើ​​Crypt​o ឬទេ?

​កាលពី​ខែ​ឧសភា​កន្លងទៅ​នេះ​ ព្រឹត្ត​ការណ៍​ធំ​ៗ​ពាក់ព័ន្ធ​នឹង​ការ​ចុះថោក​នៃ​តម្លៃ​ ​crypt​o ​ល្បីល្បាញ​យ៉ាង​សម្បើម​ក្នុង​បណ្ដាញ​សង្គម​ ​និង​បង្ក​ភាព​ភ្ញាក់ផ្អើល​ជា​ខ្លាំង​ដល់​អ្នកតា​ម​ដាន​វា​។​ ​ការ​ធ្លាក់​ថ្លៃ​គួរឲ្យ​កត់​សម្គាល់​នេះ​ ​ពុំមែន​ទើប​តែ​កើតឡើង​លើកដំបូង​ទេ​ ​វា​ធ្លាប់​មាន​ប្រវត្តិសាស្ត្រ​ចុះថោក​ពីមុន​ៗ​រួចមក​ហើយ​។​ ​គ្រាន់តែ​ថា​លើក​នេះ​ ​crypt​o ​រងគ្រោះ​ខ្លាំង​ជាង​រាល់​ដង​ ​ដែល​ក្នុង​នោះ​ ​Bit​coin​ ​ជា​ ​crypt​o ​រៀមច្បង​គេ​បាន​ធ្លាក់ចុះ​ដល់ទៅ​ 35% ​ធ្វើឲ្យ​កាក់​ដទៃទៀត​ត្រូវ​បាន​ទាញ​ឲ្យ​តម្លៃ​ធ្លាក់ចុះ​ដូចគ្នា​។​

​នៅ​ថ្ងៃ​ទី​ ​១​៣​ ​ខែ​ឧសភា​ ​នៅ​ក្នុង​សារ​បង្ហោះ​របស់​មហាសេដ្ឋី​លោក​ ​E​l​on ​Musk​ ​ក្នុង​ ​T​wit​t​e​r ​បាន​សរសេរ​ថា​ “​T​e​s​l​a​ ​ផ្អាក​ការ​ទិញ​រថយន្ត​ដោយ​ប្រើ​ ​Bit​coin​ ​ជា​មធ្យោបាយ​ទូទាត់​ទៀតហើយ​ ​ដោយសារ​ការ​កើន​ឡើង​យ៉ាង​គំហុក​នៃ​ការប្រើប្រាស់​ផូ​ស៊ី​ល​ឥន្ទ​នៈ​សម្រាប់​ការ​ទាញ​យក​Bit​coin​…”​។​ ​ប៉ុន្មាន​ថ្ងៃក្រោយ​មក​ ​មហាអំណាច​ចិន​ក៏បាន​ហាមឃាត់​ ​និង​រឹត​បន្តឹង​ប្រតិបត្តិការ​ជួញ​ដូរ​កាក់​ឌី​ជី​ថល​ ​ថែមទាំង​ព្រមាន​ដល់​អ្នក​វិនិយោគ​វា​ផង​ដែរ​។​

​បន្ថែម​ដោយ​ព្រឹត្តិការណ៍​មួយទៀត​ ​នៅ​ទឹកដី​សហរដ្ឋអាមេរិក​ ​រដ្ឋបាល​លោក​ចូ​បៃ​ឌិន​ ​មាន​គម្រោង​ថា​ វិនិ​យោគិន​ដែល​ផ្ញើ​ ​crypt​o ​មាន​តម្លៃ​លើស​ពី​មួយ​ម៉ឺន​ដុល្លារ​ ​ត្រូវ​រាយការណ៍​ពី​ប្រតិបត្តិការ​របស់​ពួកគេ​ទៅកាន់​អាជ្ញាធរ​ពន្ធដារ​។​ ​ក្រោយ​ការប្រកាស​របស់​រដ្ឋាភិបាល​អាមេរិក​អំពី​ផែនការ​នេះ​ ​តម្លៃ​Bit​coin​ ​ធ្លាក់ចុះ​៥​%​។​

​ការណ៍​នេះ​បាន​ចោទ​ជា​ការ​ព្រួយបារម្ភ​ ​ហើយក៏​ជា​ការដាស់តឿន​ស្មារតី​មួយ​ដែរ​ ​សម្រាប់​អ្នក​កំពុង​វិនិយោគ​ហើយ​ក្ដី​ ​អ្នក​ដែល​មានបំណង​ចង់​វិនិយោគ​ក្ដី​ ​ថា​លើ​លោក​នេះ​គ្មានអ្វី​ទៀងទាត់​ទេ​។​ ​អ្នក​ដែល​មាន​គម្រោង​ចង់​វិនិយោគ​លើ​គ្រីប​តូ ​ត្រូវ​គិតថា​អ្នក​អាច​អត់ធន់​នឹង​ភាព​ឡើងចុះ​របស់​វា​ដល់ក​ម្រិ​ត​ណា​?

​និយាយ​អំពី​ ​Bit​coin​ ​ចុះ​ ​បើ​ទោះបី​វា​រមែង​ងើបឡើង​វិញ​បន្ទាប់​ដាំ​ក្បាល​ចុះ​ក៏ដោយ​ ​តែ​គ្មានអ្វី​អាចម​ក​ធានា​បាន​ឡើយ​ថា​អនាគត​ទៅ​វា​អាច​ងើប​វិញ​បាន​ ​ឬ​ស្រុត​ចុះ​រហូត​នោះ​។​ ​ម្យ៉ាងទៀត​បើ​សិន​លោកអ្នក​គិតថា​ ​អ្នក​នឹងគេ​ង​មិន​លក់​ ​បក់​មិន​ល្ហើយ​ ​ពេល​ទី​ផ្សារ​ ​crypt​o ​ធ្លាក់​ ​នោះ​ ​crypt​o ​ប្រហែលជា​មិនមែន​គំនិត​វិនិយោគ​ដ៏​ល្អ​សម្រាប់​អ្នក​ឡើយ​។​ ​ប៉ុន្តែ​បើ​អ្នក​ត្រៀម​ខ្លួន​រួចជាស្រេច​ ​ជាមួយ​សមរភូមិ​ ​crypt​o ​ដ៏​មហាលោតផ្លោះ​ ​ទោះ​ឡើង​ទោះ​ចុះ​ ​ទោះ​ក្ដៅ​រលាក​យ៉ាងណា​ ​ក៏​នៅ​អត់ធ្មត់​ ​ការ​វិនិយោគ​ ​crypt​o ​ពុំគួរ​ជា​បញ្ហា​ចោទ​ខ្លាំង​សម្រាប់​រូប​អ្នក​ទេ​។​

ដោយឡែក​ ​បើ​អ្នក​សម្រេច​ចិត្ត​ថា​វិនិយោគ​លើ​ ​crypt​o​currency​ ​កាលៈទេសៈ​ដែល​គួរ​ទិញ​ ​គឺ​នៅពេលដែល​តម្លៃ​វា​ធ្លាក់ចុះ​។​ ​ពេល​ចុះថោក​ ​ប្រមូល​ទិញ​ឲ្យ​ច្រើន​មក​ទុក​ ​ហើយ​លក់​ចេញ​វិញ​ ​ពេល​តម្លៃ​ឡើងថ្លៃ​។​ ​តែ​ការ​ទិញ​នេះ​ ​ក៏​អ្នក​ត្រូវ​ចេះ​ជ្រើសរើស​ប្រភេទ​កាក់​ដែល​ត្រូវ​វិនិយោគ​ផង​ដែរ​ ​ព្រោះ​កាក់​នីមួយៗ​មាន​ក​ម្រិ​ត​ហា​និ​ភ័យ​ខុសៗគ្នា​ ​តួយ៉ាង​គ្រាន់តែ​លោក​ ​E​l​on ​Musk​ ​និយាយ​ថា​ ​Dog​e​coin​ ​ជា​ទ្រព្យ​ក្លែង​បន្លំ​ ​Dog​e​coin​ ​ធ្លាក់​ពី​ ​៧​៣​សេន​ ​ទៅ​ ​៥​១​.​៤​សេន​ភ្លាម​ៗ​។​

​ក្រៅពី​នេះ​ ​ការ​សម្រេច​ចិត្ត​វិនិយោគ​លើ​វា​ឬក៏​អត់​ ​មិន​ស្ថិត​លើ​ការពឹងផ្អែក​លើ​ហាង​ឆេង​ ​crypt​o ​តែ​ម្ខាង​ទេ​ ​ព្រោះ​ការ​ឡើង​ការ​ចុះ​ជា​ធម្មជាតិ​របស់​ការ​វិនិយោគ​។​ ​ការ​វិនិយោគ​ផ្សេងទៀត​ដូច​អចល​ន​ទ្រព្យ​ ​ភាគ​ហ៊ុន​ ​មាសក​៏​តម្លៃ​វា​ឡើងចុះ​ដូចគ្នា​។​ ​អ្វី​ដែល​សំខាន់​នោះ​គឺ​យើង​ត្រូវ​សួរ​ខ្លួនឯង​ថា​ ​តើ​យើង​ស្គាល់​វាក​ម្រិ​ត​ណា​? ​មានចំណេះ​ដឹង​មូលដ្ឋាន​ពី​វា​ទេ​? ​យើង​អាច​គ្រប់គ្រង​ហា​និ​ភ័យ​នានា​ដែល​អាច​កើតឡើង​ដោយ​ឥត​រំពឹង​ទុក​ដែរ​ឬទេ​? ​ឬក៏​ចង់​វិនិយោគ​វា​ ​ដ្បិត​បានឃើញ​បុគ្គល​ជោគជ័យ​ក្នុង​វិ​ស័​យ​ ​crypt​o ​នេះ​?

​សម្រាប់​អ្នក​ដែល​មានបំណង​ចង់​វិនិយោគ​ ​ឬ​ជួញ​ដូរ​ ​crypt​o​currency​ ​អាច​​​យក​ចំណុច​ទាំងអស់​នេះ​ទៅ​ពិចារណា​បាន​។​ ​គួរ​ឬ​មិនគួរ​វិនិយោគ​ ​ស្ថិត​លើ​កត្តា​ខ្លួនឯង​ជាធំ​ ​ព្រោះ​ប្រឡូក​ក្នុង​ ​crypt​o ​ទាមទារ​ឲ្យ​យើង​មាន​នូវ​អក្ខរកម្ម​ឌី​ជី​ថល​ ​និង​ចំណេះ​ដឹង​ហិរញ្ញវត្ថុ​ផង​ដែរ​។​ ​មុខនឹង​សម្រេច​ចិត្ត​វិនិយោគ​លើ​វា​ ​លោកអ្នក​គួរ​ប្រឹក្សា​ជាមួយ​អ្នកមាន​បទពិសោធន៍​យូរឆ្នាំ​ក្នុង​វិ​ស័​យ​នេះ​ ​សាកសួរ​យោបល់​ពី​អ្នកជំនាញ​ហិរញ្ញវត្ថុ​ឲ្យបាន​ច្បាស់លាស់​ ​និង​សិក្សាស្រាវជ្រាវ​បន្ថែម​ដោយខ្លួនឯង​តាម​ការ​វិភាគ​មើល​បច្ចុប្បន្នភាព​របស់​ ​Crypt​o ​និង​ការ​ប៉ាន់ស្មាន​ស្ថានភាព​របស់​វា​ក្នុង​ពេល​អនាគត​៕​

© 2021 – 2022 K​A​K​CENT​ | ​រក្សាសិទ្ធិ​ដោយ​កាក់​សេន​
​សូម​ទាក់ទង​មក​ពួកយើង​ ​ប្រសិនបើ​អ្នក​ចង់​យក​មាតិកា​យើង​ទៅ​ប្រើប្រាស់​បន្ត​។

——————————————————-

ឯកសារយោង៖

• Bitcoin Suffers Biggest Pullback of 2021, to 3.5-Month Low – CoinDesk
• Question: Why Should Anyone Invest in Crypto? (investopedia.com)
• Should I invest in cryptocurrency? What about Bitcoin, Dogecoin, Ethereum? – nj.com
• Crypto Is Crashing: Is Now the Time to Invest? | The Motley Fool
• Elon Musk’s Tesla Suspends Bitcoin Purchases on Environmental Concerns (fool.com)
• China bans financial, payment institutions from cryptocurrency business | Reuters
• elon musk: Days of torrid Dogecoin gains erased as Elon Musk ‘Saturday Night Live’ episode airs – The Economic Times (indiatimes.com)