សញ្ញាបង្ហាញថា​ ​អ្នក​កំពុងតែ​សន្សំសំចៃ​ជ្រុល​ហួស​

​ការ​សន្សំ​គឺជា​អ្វី​ដែល​អ្នក​ត្រូវការ​ដើម្បី​សម្រេច​ផែនការ​ហិរញ្ញវត្ថុ​ផ្ទាល់ខ្លួន​។​ ​តែ​តើ​អ្នកដឹង​ដែរ​ទេ​ ​ថា​ការសន្សំសំចៃ​ច្រើនហួស​ហេតុ​ក៏​ជា​បញ្ហា​ដែរ​។​ ​ដូចនេះ​ធ្វើ​ម៉េច​បាន​អាច​ដឹង​ថា​ ​អ្នក​កំពុងតែ​សន្សំសំចៃ​ជ្រុល​ហួស​?

​១​. ​ប្រើ​ពេល​គិត​យូរ​ពេក​មុន​ចាយវាយ​

​តាមពិត​ទៅ​ ​វា​ជា​រឿង​ល្អ​មួយ​ដែល​អ្នក​ចេះគិតគូរ​ ​និង​មាន​ផែនការ​ច្បាស់លាស់​មុន​ចំណាយ​។​ ​ប៉ុន្តែ​បើ​ប្រើ​ពេល​គិតគូរ​ពេក​ ​ក្បិត​ក្បៀ​ត​ពេក​ ​ក៏​មិនមែន​ជា​រឿង​ល្អ​ប៉ុន្មាន​ដែរ​ ​ព្រោះ​អាច​រារាំង​អ្នក​ពី​ការ​ទិញ​សូម្បីតែ​របស់​ចាំបាច់​។​ ​បែប​នេះ​គេ​ហៅថា​ "​Co​m​p​u​l​s​i​v​e​ ​Saving​" ​ហើយ​វា​ជាប់​ពាក់ព័ន្ធ​នឹង​បញ្ហា​ចិត្តសាស្ត្រ​ ​ដែល​អ្នក​គួរ​ស្វែងរក​ជំនួយ​ ​ឬ​ការ​ប្រឹក្សា​ជាមួយ​អ្នកជំនាញ​។​

​២​. ​មិនទាន់​មានការ​វិនិយោគ​ ​ហើយ​លុយ​បម្រុង​សម្រាប់​គ្រាអាសន្ន​ច្រើនពេក​

​ប្រសិនបើ​អ្នកមាន​សាច់ប្រាក់​ច្រើន​ដាក់​សន្សំ​នៅ​ធនាគារ​ ​ឬ​កូនជ្រូក​ ​ហើយ​មិនបាន​យកទៅ​វិនិយោគ​ (​អចល​ទ្រព្យ​ ​មាស​ ​ភាគ​ហ៊ុន​។​ល​។​) ​នេះ​ក៏​ចាត់ទុកជា​ការ​សន្សំ​លើសលុប​មួយ​ ​ព្រោះ​ជានិច្ចកាល​ការ​សន្សំ​មិន​ឈ្នះ​អតិថិ​ផ​រណា​ ​ដូច​ការ​វិនិយោគ​ទេ​។​ ​ចំណែក​ឯ​លុយ​បម្រុង​សម្រាប់​គ្រាអាសន្ន​ (​Emergency Fund​) ​គួរ​មាន​សម្រាប់​ផ្គត់ផ្គង់​ចំណាយ​ប្រចាំថ្ងៃ​ពី​៣​ខែ​ ​ទៅ​៦​ខែ​ទៅ​បានហើយ​ ​បើ​លើស​ពី​នេះ​ ​អ្នកជំនាញ​ឱ្យ​ដំបូន្មាន​ថា​ “​មិន​ចាំបាច់​”​។​

​៣​. ​បដិសេធ​មិន​ចូលរួម​ក្នុង​កម្មវិធី​ជួបជុំ​ផ្សេងៗ​

​ប្រសិនបើ​អ្នក​បដិសេធ​មិន​ចូលរួម​ការ​ជួបជុំ​យូរៗម្តង​ជាមួយ​មិត្តភក្តិ​ ​ក្រុម​ការងារ​ ​ឬ​គ្រួសារ​ ​និង​ព្យាយាម​ផ្ដាច់​ខ្លួន​ពី​ទំនាក់ទំនង​សង្គម​ ​មានន័យ​ថា​ ​អ្នក​កំពុងតែ​សន្សំសំចៃ​ខុសទំនង​។​ ​អ្នក​ខំធ្វើ​ការនឿយហត់​ដើម្បី​រកលុយ​ ​ដូច្នេះ​អ្នក​គួរ​ចំណាយ​លើ​អ្វី​ផ្សេងៗ​ (​ការ​ជួបជុំ​ជាដើម​) ​ដើម្បី​ឱ្យ​ស្រឡះ​ខួរក្បាល​ ​សប្បាយរីករាយ​ ​និង​មាន​តុល្យភាព​ជីវិត​-​ការងារ​។​ ​បើ​អ្នក​បារម្ភ​ខ្លាច​ថា​ខ្លួនឯង​ចាយ​ច្រើនជ្រុល​លើ​ថ្លៃ​ក​ម្សាន្ដ ​អ្នក​អាច​ពិចារណា​វិធីសាស្ត្រ​គ្រប់គ្រង​លុយ​ ​៥​០​/​៣​០​/​២​០​ ​បាន​។​ (​សូម​ស្វែងយល់​បន្ថែម​តាម​តំណ​ភ្ជាប់​ ​h​t​t​p​s://​w​w​w​.​face​book​.​co​m​/k​a​k​cent​k​h​/​post​s/387346169570380)

​៤​. ​សុខចិត្ត​សន្សំ​លុយ​តែ​មិន​ទូទាត់​បំណុល​

​អ្នក​មិនគួរ​គិតតែ​សន្សំ​ ​ហើយ​មិន​ទូទាត់​បំណុល​ឲ្យអស់​ទេ​ ​ជាពិសេស​បំណុល​ធនាគារ​ ​ឬ​កាត​ក្រេ​ឌីត​។​ ​ដូចជា​បំណុល​កាត​ក្រ​ឌីត​ ​បើ​អ្នក​ទូទាត់​បំណុល​កាត​ក្រេ​ឌីត​ដោយ​ការ​បង់​ផ្ដាច់​ ​មុន​ថ្ងៃ​ផុត​កំណត់​ ​អាច​ជួយ​សន្សំ​ថ្លៃ​ការប្រាក់​ ​ព្រោះ​បើ​គិតទៅ​ ​អត្រា​ការប្រាក់​ដែល​យើង​បាន​ពី​លុយ​សន្សំ​នៅ​ធនាគារ​ ​តិច​ជាង​អត្រា​ការប្រាក់​នៃ​ក​ម្ចី ​ឬ​បំណុល​ ​នេះ​ជា​ផល​ចំណេញ​ ​ឬ​ខាត​?

​ការ​សន្សំ​យូរ​ពេក​ ​លើស​ពី​ការកំណត់​ពេក​ ​ខុសទំនង​ពេក​ ​គឺ​មិន​ល្អ​ឡើយ​ដល់​សុខភាព​ផ្លូវចិត្ត​ ​និង​សុខភាព​ហិរញ្ញវត្ថុ​។​ ​លោកអ្នក​គួ​របែង​ចាត់ចែង​ប្រាក់ចំណូល​ ​ចាយវាយ​ប្រកបដោយ​ភាព​សម​ហេតុផល​ ​ព្រមទាំង​យក​លុយ​ទៅ​បង្កើត​លុយ​ (​វិនិយោគ​) ​ទើប​ជាការល្អ​៕​

© 2022 - 2023 K​A​K​CENT​ | ​រក្សាសិទ្ធិ​ដោយ​កាក់​សេន​

​ឯកសារ​យោង​