Tesla ពិត​ជាមក​​​ដល់​ប្រទេស​កម្ពុជា​មែន​?

​ថ្មីៗ​នេះ​ ​មានការ​ចែកចាយ​រូបភាព​ ​Showroom​ ​របស់​ក្រុមហ៊ុន​ ​T​e​s​l​a​ ​ដែលគេ​ជឿជាក់​ថា​ ​វា​ជា​ក្រុមហ៊ុន​ ​T​e​s​l​a​ ​Inc​ ​របស់​លោក​ ​E​l​on ​Musk​។​ ​តើ​ជា​ការពិត​មែន​ឬ​យ៉ាងណា​? ​ប៉ុន្តែ​ជាដំបូង​យើង​គួរ​មក​ស្គាល់​ថា​ ​តើ​ក្រុមហ៊ុន​ ​T​e​s​l​a​ ​Inc​ ​គឺជា​ក្រុមហ៊ុន​អ្វី​សិន​!

​ក្រុមហ៊ុន​ ​T​e​s​l​a​ ​ជា​ក្រុមហ៊ុន​ផលិត​ឡាន​អគ្គិសនី​ ​ចាប់ផ្ដើម​ដំបូង​នៅ​ឆ្នាំ​ ​២​០​០​៣​ ​ដោយ​ក្រុមហ៊ុន​ ​T​e​s​l​a​ ​មាន​ចក្ខុវិស័យ​ចង់​បង្កើត​ឡាន​ដែល​ដំណើរការ​ដោយ​អគ្គិសនី​ ​លឿន​ ​ទំនើប​ជាង​ប្រភេទ​ឡាន​ដោយ​ប្រើ​សាំង​។​

​មកទល់​ពេល​បច្ចុប្បន្ន​ ​ក្រុមហ៊ុន​នេះ​ដំណើរការ​បានជា​ង​ ​១​៨​ឆ្នាំ​មក​ហើយ​ ​ដែល​មាន​លោក​ ​E​l​on ​Musk​ ​ជា​អគ្គនាយក​នា​ពេល​បច្ចុប្បន្ន​។​ ​ឡាន​ដំបូង​របស់​ក្រុមហ៊ុន​ ​T​e​s​l​a​ ​មានឈ្មោះ​ថា​ ​T​h​e​ ​Road​s​t​e​r ​ប៉ុន្តែ​គួរ​ឱ្យ​សោកស្ដាយ​ ​ក្រុមហ៊ុន​ហាក់​មិន​ទទួលជោគជ័យ​នោះ​ឡើយ​ ​ដ្បិត​ថា​នៅ​ពេល​ដាក់​លក់​ឡាន​នេះ​ជាលើកដំបូង​នោះ​មាន​តម្លៃ​ថ្លៃ​ ​ការ​មិនទាន់​ពេញ​និយម​ជាមួយ​ឡាន​អគ្គិសនី​ ​ក៏ដូចជា​ការ​ជួប​នូវ​វិបត្តិសេដ្ឋកិច្ច​ធ្ងន់ធ្ងរ​នា​ឆ្នាំ​ ​២​០​០​៨​ ​ថែមទៀត​។​

​យ៉ាងណាមិញ​ ​មក​ដល់ពេល​បច្ចុប្បន្ន​ ​ក្រុមហ៊ុន​នេះ​មាន​គេ​ទទួលស្គាល់​ពី​គុណភាព​ដ៏​ល្អឥតខ្ចោះ​របស់​វា​រួច​ទៅ​ហើយ​ ​ពី​ប្រទេស​បណ្ដា​ជឿនលឿន​លោក​ខាងលិច​។​ ​ថ្មីៗ​នេះ​ ​ក្រុមហ៊ុន​ ​T​e​s​l​a​ ​បាន​លេច​រូបរាង​ឡើង​ក្នុង​ប្រទេស​កម្ពុជា​ ​ដែល​នេះ​ជា​ប្រធាន​បទ​មួយ​សួរ​ថា​ ​«​តើ​ហេតុអ្វី​ក្រុមហ៊ុន​នេះ​ជ្រើសរើស​យក​ប្រទេស​កម្ពុជា​?​»​ ​ហើយ​ ​«​តើ​វា​ពិតជា​ក្រុមហ៊ុន​ ​T​e​s​l​a​ ​របស់​លោក​ ​E​l​on ​Musk​ ​មែនដែរ​ឬទេ​?​»​

​បើ​យោងទៅតាម​សារ​ព័ត៌មាន​ ​កោះ​សន្តិភាព​ ​បាន​ស្រាយ​បញ្ជាក់​ថា​ ​ក្រសួង​ពាណិជ្ជកម្ម​ ​បាន​លើកឡើង​ថា​ ​ពិតជា​មាន​ក្រុមហ៊ុន​ឈ្មោះ​ ​T​e​s​l​a​ ​បាន​ចុះបញ្ជី​ពាណិជ្ជកម្ម​ពិតមែន​ ​ប៉ុន្តែ​មិនមែន​ជា​ក្រុមហ៊ុន​របស់​លោក​ ​E​l​on ​Musk​ ​នោះ​ឡើយ​ ​តែ​ជា​ក្រុមហ៊ុន​ ​T​E​S​L​A​ ​IN​DUST​R​I​E​S ​CO​., ​L​T​D​ ​និង​ ​T​E​S​L​A​ ​ENGINEERING​ ​AND​ ​CONSTRUCTION​ ​CO​., ​L​T​D​ ​ដែល​ក្រុមហ៊ុន​ទាំងពីរ​នេះ​ ​ពុំមែន​ជា​ក្រុមហ៊ុន​នាំចូល​ឡាន​អគ្គិសនី​នោះ​ឡើយ​។​

មកទល់​ពេលនេះ​ ​យើង​ពុំទាន់​ឃើញ​ ​ឬ​ទទួល​បាន​ព័ត៌មាន​ច្បាស់​ការ​ថា​ ​Showroom​ ​T​e​s​l​a​ ​ដែល​មាន​នោះ​ ​ជា​របស់​លោក​ ​E​l​on ​Musk​ ​ពិតប្រាកដ​មែន​នោះ​ឡើយ​។​ ​យ៉ាងណាក៏ដោយ​ ​ប្រសិនបើ​វា​ជា​ការពិត​មែន​នោះ​ ​សរ​បញ្ជាក់​ឱ្យ​ឃើញ​ថា​ ​ប្រទេស​កម្ពុជា​កំពុង​ត្រូវ​បាន​អ្នក​វិនិយោគ​ធំ​ៗ​ចាប់អារម្មណ៍​វិនិយោគ​ ​ដ្បិត​ថា​ក្រៅពី​ ​T​e​s​l​a​ ​ក៏មាន​ក្រុមហ៊ុន​ផ្សេងៗ​ទៀត​ដែរ​ ​ដែល​បាន​ចូល​មក​ដូចជា​ 7-​Eleven​ ​Gong​ C​h​a​ ​ឬ​ ​Pap​a​ Jo​h​n’s ​P​i​z​z​a​ ​ជាដើម​ ​ហើយ​នេះ​ក៏​ជា​សញ្ញា​វិជ្ជមាន​មួយ​ដល់​សេដ្ឋកិច្ច​ប្រទេស​កម្ពុជា​ផង​ដែរ​៕​

​ប្រភព​ឯកសារ​ ​និង​ដកស្រង់​ចេញពី​៖​
– ​ក្រុមហ៊ុន​ ​T​E​S​L​A​ ​ចំនួន​ពីរ​បាន​ចុះបញ្ជី​នៅ​ក្រសួង​ពាណិជ្ជកម្ម​កម្ពុជា​តែ​មិន​មានឈ្មោះ​លោក​ ​E​l​on ​Musk​ ​ទេ​ – Ko​h​ S​ante​p​heap​ ​Daily​
– ​ក្រសួង​បដិសេធ​វត្តមាន​តំណាង​ចែកចាយ​រថយន្ត​ ​T​E​S​L​A​ ​នៅ​កម្ពុជា​ | ​ភ្នំពេញ​ ​ប៉ុស្ដិ៍​ (​post​khmer​.​co​m​)
– ​About​ ​T​e​s​l​a​ | ​h​t​t​p​s://​w​w​w​.​t​e​s​l​a​.​co​m​/​about​
© 2021 – 2022 K​A​K​CENT​
​រក្សាសិទ្ធិ​ដោយ​កាក់​សេន​
​សូម​ទាក់ទង​មក​ពួកយើង​ ​ប្រសិនបើ​អ្នក​ចង់​យក​មាតិកា​យើង​ទៅ​ប្រើប្រាស់​បន្ត​។