TikTok នឹងក្លាយជាបណ្តាញសង្គមយក្សនាពេលអនាគត?

ក្រុមហ៊ុន​ ​តិកតុក​ (​T​i​k​To​k) ​ត្រូវ​បាន​បង្កើត​ឡើង​ដោយ​ការ​រួមបញ្ចូល​រវាង​កម្មវិធី​ពីរ​គឺ​ ​Musical​.​l​y​ ​ដែល​បង្កើត​ឡើង​ក្នុង​ឆ្នាំ​ ​២​០​១​៤​ ​និង​កម្មវិធី​ ​Do​u​y​in​ ​បង្កើត​ឡើង​ក្នុង​ឆ្នាំ​ ​២​០​១​៦​ ​ដោយ​ក្រុមហ៊ុន​ ​By​t​e​dance​ ​។​ ​ក្នុង​ឆ្នាំ​ ​២​០​១​៨​ ​ក្រុមហ៊ុន​បច្ចេកវិទ្យា​យក្ស​របស់​ចិន​ ​By​t​e​dance​ ​បាន​ទិញ​យក​កម្មវិធី​ ​Musical​.​l​y​ ​ក្នុង​តម្លៃ​ប្រមាណ​ ​៨​០​០​លាន​ ​ទៅ​ ​១​ ​ពាន់​លាន​ដុល្លារ​អាមេរិក​ ​បន្ទាប់មក​រួមបញ្ចូល​កម្មវិធី​នេះ​ជាមួយ​ ​Do​u​y​in​ ​ហើយ​ដាក់ឈ្មោះ​កម្មវិធី​ថ្មី​នេះ​ថា​ “​T​i​k​To​k”​។​

​តើ​ ​T​i​k​To​k ​ជា​អ្វី​? ​ហើយ​វា​មាន​គុណសម្បត្តិ​អ្វីខ្លះ​ ​ទើប​គេ​ហ៊ាន​ប៉ាន់ស្មាន​ថា​វា​នឹង​ក្លាយ​ជាទី​ផ្សារ​ ​social​ ​media​ ​ធំ​នា​ថ្ងៃខាងមុខ​?

​T​i​k​To​k ​គឺជា​កម្មវិធី​ទូរសព្ទ​ដៃ​ដ៏​ពេញ​និយម​មួយ​ ​ដែល​អ្នកប្រើប្រាស់​អាច​ទាញ​យក​បាន​ដោយ​ឥត​គិតថ្លៃ​ ​ពី​ ​A​p​p​ ​Store​ ​ឬ​ ​Play​ ​Store​។​ ​វា​ប្រមូលផ្ដុំ​ទៅ​ដោយ​ឃ្លីប​វីដេអូ​ខ្លី​ៗ​ ​ក្រោម​រយៈពេល​យូរ​បំផុត​ត្រឹម​មួយ​នាទី​ ​ក្នុង​នោះ​លាយឡំ​ទៅ​ដោយ​ការ​កំប្លែង​ ​ការអប់រំ​ ​រាំ​ ​ច្រៀង​ ​កីឡា​ ​ទេសភាព​ធម្មជាតិ​ ​ជាដើម​។​

​បើ​យោងទៅតាម​ ​ការ​ចុះផ្សាយ​របស់​ BBC ​ក្រុមហ៊ុន​តិកតុក​គិត​ត្រឹម​ខែ​ ​កក្កដា​ ​មាន​អ្នក​ទាញ​យក​កម្មវិធី​តិកតុក​រហូតដល់​ ​២​ពាន់​លាន​ ​ខណៈ​ពេល​ដែល​អ្នកប្រើប្រាស់​ក្នុង​កម្មវិធី​ជាប្រចាំ​(​Active​ ​User​s) ​មាន​រហូតដល់​ ​៨​០​០​លាន​នាក់​។​

​ចំណែក​ឯ​ទស្សនាវដ្ដី​ ​For​be​s ​បាន​លាតត្រដាង​ពី​A​p​p​ដែល​មានការ​ដោ​ន​ឡូ​ត​ច្រើនជាង​គេ​ទូទាំង​ពិភពលោក​ក្នុង​ឆ្នាំ​ ​២​០​២​០​។​ ​ក្នុង​នោះ​ ​T​i​k​To​k ​ជាប់​ចំណាត់ថ្នាក់​លេខ​ ​១​ ​ដែល​មានការ​ទាញ​យក​(​down​load​s)​រហូតដល់​ ​៨​៥​០​លាន​ដង​ ​ខណៈ​ពេល​ដែល​បណ្ដាញ​សង្គម​យក្ស​ ​Face​book​ ​មាន​ ​៥​៤​០​លាន​ដង​ ​និង​ ​Inst​a​gram​ ​មាន​ ​៥​០​៣​លាន​ដង​ ​ឈរ​នៅ​ត្រឹម​លេខ​៣​ ​និង​៤​ ​រៀង​គ្នា​ ​រីឯ​លេខ​ ​២​ ​គឺ​កម្មវិធី​ ​What​sAp​p​ ​មាន​ ​៦​០​០​លាន​ដង​។​ ​For​be​s ​ក៏​បានឲ្យ​ដឹង​ទៀត​ដែរ​ថា​ ​T​i​k​To​k ​ក្នុង​ឆ្នាំ​ ​២​០​២​១​ ​នេះ​រំពឹង​ថា​អាច​បង្កើន​ចំណូល​បាន​ ​៦​ពាន់​លាន​ដុល្លារ​អាមេរិក​ ​ស្រប​ពេល​ដែល​តម្លៃ​ក្រុមហ៊ុន​របស់​តិកតុក​ពេល​បច្ចុប្បន្ន​មាន​តម្លៃ​រហូតដល់​ជាង​ ​៥​០​ពាន់​លាន​ដុល្លារ​អាមេរិក​ឯណោះ​។​

​បច្ចុប្បន្ន​ ​កម្មវិធី​ ​T​i​k​To​k ​បាន​ដាក់ឲ្យ​ដំណើរ​ការប្រើប្រាស់​ក្នុង​ ​១​៥​៤​ប្រទេស​ ​និង​ប្រតិបត្តិការ​បាន​ដល់ទៅ​ ​៧​៥​ភាសា​។​ ​បើ​ទោះបីជា​មាន​ប្រទេស​មួយ​ចំនួន​បាន​សម្រេច​បិទ​នូវ​ការ​ចរាចរណ៍​បណ្ដាញ​សង្គម​ ​T​i​k​To​k ​ក្ដី​ ​ក៏​កម្មវិធី​មួយ​នេះ​នៅ​រក្សា​បាន​ភាព​ល្បីល្បាញ​ ​និង​សក្ដានុពល​របស់​ខ្លួន​ក្នុង​ទី​ផ្សារ​អនាគត​។​ ​

ក្រុមហ៊ុន​កំពុងតែ​ពិភាក្សា​ផង​ដែរ​អំពី​ការដំឡើង​រយៈពេល​វីដេអូ​ ​រហូតដល់​៣​នាទី​ ​ក្នុង​មួយ​ឃ្លីប​។​ ​ជាពិសេស​ ​ពួកគេ​ក៏មាន​គម្រោង​ផ្ដល់​ទឹកប្រាក់​ជូន​ដល់​អ្នកបង្កើត​វីដេអូ​តាមរយៈ​ចំនួន​ ​view​ ​ដូចជា​កម្មវិធី​ ​Y​ou​tube​ ​ដែរ​។​

​អញ្ចឹង​ ​យើង​ឃើញ​ថា​ ​ត្រឹមតែ​រយៈពេល​ ​២​ឆ្នាំ​ប៉ុណ្ណោះ​ ​សន្ទុះ​នៃ​កម្មវិធី​តិកតុក​ ​ហាក់​លោត​ឡើង​ខ្ពស់​ជាពិសេស​សូម្បីតែ​ស្ថាបនិក​ហ្វេសប៊ុក​ ​លោក​ ​Mark​ ​Z​uck​e​r​berg​ ​ក៏​ទទួលស្គាល់​ពី​ការ​រីក​ចម្រើន​នៃ​កម្មវិធី​ ​ដែល​ជា​ដៃគូ​ប្រកួតប្រជែង​ធំ​របស់​ ​Face​book​ ​និង​ ​Inst​a​gram​ ​ផង​ដែរ​។​

​យើង​ដឹង​ហើយ​ថា​ ​កម្មវិធី​ ​T​i​k​To​k ​ភ្ជាប់​ទំនាក់ទំនង​ក្នុង​សង្គម​យ៉ាង​ជិតស្និទ្ធ​ ​និង​ផ្ដល់​នូវ​មុខងារ​ក​ម្សាន្ត ​ក៏ដូចជា​អត្ថប្រយោជន៍​ជាច្រើន​ដល់​បណ្ដា​អ្នកប្រើប្រាស់​ក្នុង​គោលបំណង​ផ្សេងៗ​គ្នា​ ​ប៉ុន្តែ​ត្រូវ​ចងចាំ​ថា​ ​កុំ​បណ្ដាលឲ្យ​ខ្លួន​អ្នក​ក្លាយ​ជា​ទាសករ​នៃ​បច្ចេកវិទ្យា​ឲ្យសោះ​ ​ព្រោះ​វា​អាច​ជះ​ឥទ្ធិពល​អវិជ្ជមាន​ដល់​យើង​គ្រប់ពេល​វេលា​។​ ​

ជាពិសេស​អាណាព្យាបាល​គួរតែ​យកចិត្តទុកដាក់​ ​ឃ្លាំមើល​កូន​ៗ​ក្នុង​វ័យ​កុមារ​ ​ក្រៅពី​ប្រើ​ក្នុង​ន័យ​សិក្សា​អប់រំ​ ​គួរ​កាត់បន្ថយ​ការ​លេង​ ​T​i​k​To​k ​និង​បណ្ដាញ​សង្គម​ផ្សេងៗ​ទៀត​ ​ដ្បិត​ក្នុង​កម្មវិធី​ទាំងនោះ​អាច​ផ្ទុក​នូវ​រូបភាព​អាសអាភាស​ វីដេអូ​ភ័យរន្ធត់​ ​សកម្មភាព​គ្រោះថ្នាក់​ ​ពាក្យពេចន៍​ជេរប្រទេច​ ​និង​ការបៀតបៀន​ ​ចាប់​ជ​ម្រិ​ត​តាម​ប្រព័ន្ធ​អ៊ី​ន​ធឺ​ណែ​ត​នានា​ ​ដែល​បង្ក​ហា​និ​ភ័យ​ដល់​ការលូតលាស់​បញ្ញា​ស្មារតី​ ​សតិសម្បជញ្ញៈ​ ​និង​ជា​មូលហេតុ​នៃ​ក​ម្សោ​យ​ផ្នែក​សុជីវធម៌​ ​និង​សីលធម៌​របស់​ពួកគេ​៕​

​ប្រភព​ស្រាវជ្រាវ​ ​និង​ទិន្នន័យ​ដកស្រង់​ចេញពី​៖​
​T​h​e​ 10 ​Most​ ​Down​load​e​d​ ​A​p​p​s O​f​ 2020 – ​For​be​s
​T​h​e​ ​story​ o​f​ ​a​ ​social​ ​media​ ​giant​ – BBC
​T​i​k​To​k ​i​s ​report​e​d​l​y​ ​testing​ ​long​e​r, ​three​-​minute​ ​video​s – ​T​h​e​ ​VERGE​
​I​s ​T​i​k​To​k ​Really​ ​T​h​e​ ​Next​ ​Big​ ​Social​ ​Media​ ​Platform​ ​For​ ​Travel​ – ​For​be​s
​Z​uck​e​r​berg​ ​misunderstand​s ​t​h​e​ ​huge​ ​threat​ o​f​ ​T​i​k​To​k – ​T​e​c​h​crunch​