តើគួរshoppingពេលណាទើបចំណេញលុយ?
១. ពេលហាងទើបតែបើកថ្មី
ជាធម្មតានៅពេលដែលហាងទើបតែបើកដំណើរការថ្មី ភាគច្រើននឹងមានការផ្តល់ជូនជារង្វាន់ កាដូ ផលិតផលគំរូ ប័ណ្ណបញ្ចុះតម្លៃ ឬការបញ្ចុះតម្លៃពិសេសផ្សេងៗ។ វាគឺជាឱកាសល្អមួយសម្រាប់អ្នកដែលចូលចិត្តទិញរបស់របរថ្មីៗដែលទើបតែនាំចូលជាមួយនឹងការចំណាយតិច ចំណេញច្រើន។
២. រដូវកាលបុណ្យទាន
សឹងតែគ្រប់ហាងទៅហើយដែលតែងតែមានប្រូម៉ូសិនសម្រាប់រដូវកាលបុណ្យទាន។ ដូចដែលបានសង្កេតឃើញ តួយ៉ាងដូចជាពេលឆ្លងឆ្នាំសកល ទិវាបុណ្យនៃក្ដីស្រលាញ់ ពិធីបុណ្យចូលឆ្នាំប្រពៃណីចិន ថ្ងៃ Christmas ជាពិសេសបុណ្យប្រពៃណីជាតិធំៗដូចជាពិធីបុណ្យចូលឆ្នាំខ្មែរ បុណ្យភ្ជុំបិណ្ឌ និងបុណ្យអុំទូកជាដើម។ ដូច្នេះ នេះក៏ជាពេលវេលាល្អមួយទៀតដែរសម្រាប់អ្នកក្នុងការចំណាយលុយតិចលើផលិតផលដែលមានការបញ្ចុះតម្លៃ។
៣. Black Friday
Black Friday ត្រូវបានគេប្រារព្ធឡើងនៅថ្ងៃសុក្រនៃសប្ដាហ៍ទី៤ ក្នុងខែវិច្ឆិកា បន្ទាប់ពីបុណ្យ Thanksgiving នៅប្រទេសប៉ែកអឺរ៉ុប និងអាចចាត់ទុកបានថាជាថ្ងៃដែលមនុស្សច្រើនកុះករធ្វើការទិញអីវ៉ាន់ដ៏មមាញឹកនិងធំបំផុតប្រចាំឆ្នាំ។
ដូចដែលធ្លាប់មានប៉ុន្មានឆ្នាំកន្លងទៅនេះ ការលក់បញ្ចុះតម្លៃជាមួយនឹងប្រម៉ូសិនថ្ងៃ Black Friday ក៏ចាប់ផ្ដើមលេចវត្តមាននៅស្រុកយើងដែរ។ នៅតាមហាងលក់ទំនិញជាច្រើនមានការផ្ដល់ជូនពិសេស ឬ លក់បញ្ចុះតម្លៃច្រើនទៅលើអីវ៉ាន់គ្រប់ប្រភេទ ជាមួយនឹងប្រូម៉ូសិនដ៏ធំប្រចាំឆ្នាំ។
អញ្ចឹងហើយ សម្រាប់អ្នកចង់ទិញអីវ៉ាន់ឲ្យចំណេញលុយ គួរខាំមាត់សង្កត់ចិត្ត ទប់អារម្មណ៍ចាំទិញពេលមានប្រម៉ូសិន ក៏ដូចជាឱកាសដទៃទៀតដូចរៀបរាប់ខាងលើទៅណា៎ទើបជាជម្រើសល្អ។
តើអ្នកណាខ្លះចូលចិត្តដើរទិញអីវ៉ាន់ពេលបញ្ចុះតម្លៃ? អាចប្រាប់កាក់សេនផងបានទេ?
