រដូវកាលមើលបាល់ទាត់ ដាច់យប់បានមកដល់ហើយ
ព្រឹតិ្តការណ៍បាល់ទាត់ពិភពលោក ឬអ្នកគ្រប់គ្នាហៅថា FIFA World Cup ធ្វើឡើងរៀងរាល់៤ឆ្នាំម្តង តាំងពីឆ្នាំ១៩៣០មកម៉្លេះ។ ឆ្នាំនេះផងដែរ ការប្រកួតបាល់ទាត់ពិភពនេះបានប្រព្រឹត្តិឡើងក្នុងប្រទេសកាតា និងបានចំណាយជាង ២២០ប៊ីលានដុល្លារ មានចំនួនច្រើនជាងកាលពី World Cup Russia ២០១៨ ដល់ទៅ២០ដង ដែលបានចំណាយអស់ត្រឹមតែ១១.៤ប៊ីលានដុល្លារតែប៉ុណ្ណោះ។
ប្រទេសកាតាបានចំណាយទាំងពេលវេលាអស់ច្រើនឆ្នាំ និងថវិកាជាច្រើនសម្រាប់ការរៀបចំព្រឹត្តិការណ៍លំដាប់ពិភពលោកបន្ទាប់ពីត្រូវបានជ្រើសរើសធ្វើជាម្ចាស់ផ្ទះ World Cup នៅចុងឆ្នាំ ២០១០ លើគម្រោងហេដ្ឋារចនាសម្ព័ន្ធរួមមានផ្លូវថ្នល់ សណ្ឋាគារ កីឡដ្ឋាន និងការកែលម្អអាកាសយានដ្ឋាន។ល។ ដើម្បីត្រៀមទទួលកីឡាករ និងភ្ញៀវទេសចរមកពីបណ្ដាប្រទេស ក្នុងគោលបំណងមកទស្សនាការប្រកួតបាល់ដ៏ធំមួយនេះ៕
