​ហេតុ​អី​នៅតែ​ទិញskin​care​បើ​ ​Skin​ ​អត់​ ​Care​ ​ផង​? 

​ធម្មតា​ ​អ្នក​វិនិយោគ​តែង​រំពឹង​ចង់បាន​ផល​ចំណេញ​មកវិញ​ ​ឯកា​រ​ចំណាយ​ក៏​ដូចគ្នា​។​ ​ពេល​ចាយ​លុយ​
​លើ​អ្វីមួយ​ ​យើង​តែង​ចង់បាន​ទាំង​គុណភាព​ ​និង​ប្រសិទ្ធ​ភាព​ពី​សេវាកម្ម​ ​ឬ​ផលិតផល​នោះ​។​ ​ចុះ​អ្នកទិញ​

​ផលិតផល​ ​Skin​care​ ​មួយ​ចំនួន​វិញ​ ​ហេតុ​អី​នៅតែ​ទិញ​ ​បើ​ ​Skin​ ​អត់​ ​Care​ ​ផង​?
​សព្វថ្ងៃ​ ​ការប្រើប្រាស់​ ​skin​care​ ​មាន​ភាព​ពេញ​និយម​ ​និង​ត្រូវ​បាន​អនុវត្ត​
​យ៉ាង​ទូលំទូលាយ​ដោយ​អ្នក​ស្នេហា​ ​skin​ ​care​ ​មិនថា​មនុស្ស​ស្រី​ ​ឬ​មនុស្ស​ប្រុស​ ​ព្រោះ​គេ​ជឿជាក់​ថា​វា​ ​នឹង​ផ្តល់​អត្ថប្រយោជន៍​ជាច្រើន​ដល់​សម្រស់​ដូចជា​
​ធ្វើ​អោយ​ស្បែក​មាន​សំណើម​ ​មាន​សុខភាព​ល្អ​ ​ក្មេង​ជាង​វ័យ​ ​ឬក៏​ការពារ​ភាព​ជ្រីវជ្រួញ​ជាដើម​។​

​ការពិត​មួយ​ដែល​អ្នកប្រើប្រាស់​ ​skin​care​ ​គួរ​ទទួលស្គាល់​គឺថា​ ​ការ​ប្រើ​ ​skin​care​ ​ពិត​មិនបាន​ផ្តល់​ផល​ចំណេញ​ជា​លុយកាក់​អី​មកវិញ​ក៏​ពិតមែន​។​ ​តែ​ទោះជាយ៉ាងណា​ ​ផល​ចំណេញ​ត្រឡប់មកវិញ​ពី​ការ​ចំណាយ​លើ​ ​skin​care​ ​ត្រូវ​បាន​យល់ឃើញ​ផ្សេងៗ​គ្នា​ទៅតាម​អ្នកប្រើប្រាស់​។​ ​អ្នក​ស្នេហា​ ​skin​care​ ​មួយ​ចំនួន​យល់ថា​៖​

• ​មិនទាន់​រក​ឃើញ​ផលិតផល​ដែល​ត្រូវនឹង​ស្បែក​របស់​ខ្លួន​ ​ទើប​មិន​ទទួល​បានផល​សោះ​។​ ​ដូច្នេះ​ក៏​នៅតែ​បន្ត​ទិញ​ ​និង​សាកល្បង​ផលិតផល​ដទៃទៀត​។​
• ​ការ​ស្រលាញ់​ ​គាំទ្រ​ ​idol​ ​ជាទី​ស្រលាញ់​ ​ដែល​ជា​អ្នកតំណាង​ម៉ាក​ផលិតផល​ថែរក្សា​សម្រស់​នោះ​ ​ព្រោះ​ចង់​ស្អាត​ដូច​ ​idol​ ​សំណព្វ​ចិត្ត​។​
• ​ការប្រើប្រាស់​ ​skin​care​ ​គឺជា​ការ​វិនិយោគ​រយៈពេល​វែង​ទៅលើ​សុខភាព​ស្បែក​។​ ​គេ​ជឿ​ថា​ប្រសិទ្ធ​ភាព​នៃ​ ​skin​care​ ​នឹង​ហុច​ផល​នៅ​ពេល​អនុវត្ត​ឲ្យបាន​ជាប់​លាប់​ ​ហើយ​វា​ត្រូវការ​ចំណាយ​ពេល​យូរ​។​
• ឥលូវ​ ​skin​ ​មិន​ ​care​ ​មែនពិត​ ​តែ​ក៏​មិន​អាច​ឈប់​ ​care​ ​ពី​ ​skin​ ​ព្រោះ​ទោះជាយ៉ាងណា​ ​រូប​សម្រស់​នឹង​នៅ​ជាមួយ​ខ្លួន​ពេញ​មួយ​ជីវិត​។​ ​អ៊ីចឹង​ហើយ​ ​អ្នកខ្លះ​ក៏​នៅតែ​ខំ​ទៅ​ ​ទាន់​នៅ​ប្រឹង​បាន​។​

​យ៉ាងណាមិញ​ ​តាមរយៈ​បទពិសោធន៍​អនុវត្ត​ ​skin​ ​care​ ​តែ​អត់​ប្រសិទ្ធ​ភាព​កន្លងមក​  អេ​ដ​មីន​ ​សូម​ចែករំលែក​បទពិសោធន៍​ពី​ការ​ស្វ័យ​សិក្សា​ខ្លះ​ៗ​ ​ក្នុង​ការចាយវាយ​លើ​ ​skin​care​ ​ក្រែង​ ​skin​ ​បាន​ ​care​ ​វិញ​ខ្លះ​។​

• ​ដឹង​ពី​ប្រភេទ​ស្បែក​មុខ​របស់​ខ្លួន​ ​និង​បញ្ហា​ដែល​កំពុង​មាន​ ​ក៏ដូចជា​តំ​ហែ​ទាំ​ដែល​បញ្ហា​ស្បែក​របស់​អ្នក​ត្រូវការ​
• ពិនិត្យមើល​សារ​ធាតុផ្សំ​នៃ​ផលិតផល​ដែល​ត្រូវនឹង​បញ្ហា​ស្បែក​មុខ​របស់​ខ្លួន​
• អាន​មតិ​យោបល់​ (​review​s & ​feed​back​s) ​របស់​អ្នកប្រើប្រាស់​មុន​ៗ​ចំពោះ​ផលិតផល​នោះ​

 Tip​: ​ពេល​ដឹង​ពីសា​រ​ធាតុផ្សំ​ដែល​ត្រូវនឹង​ស្បែក​មុខ​ហើយ​ ​អ្នក​អាច​ស្វែងរក​ជម្រើស​ផលិតផល​ផ្សេង​ណា​ដែល​ផ្ទុក​
​សារធាតុ​ដូចគ្នា​ ​ដើម្បី​ស្វែងរក​ផលិតផល​ដែល​មាន​តម្លៃ​សមរម្យ​ទៅតាម​ខ្ទង់​ចំណាយ​របស់​អ្នក​។​
​ម៉្យាងវិញទៀត​ ​skin​ ​care​ ​ក៏​មិន​ពឹងផ្អែក​ទាំងស្រុង​លើ​ផលិតផល​ថែរក្សា​សម្រស់​តែមួយមុខ​នោះ​ទេ​។​ ​បន្ថែម​ពីលើ​នេះ​ ​អ្នក​ក៏​គួរ​ផ្លាស់ប្តូរ​របប​អាហារ​ដូចជា​ ​ការ​ទទួលទាន​ម្ហូប​ដែល​មាន​ជីវជាតិ​ល្អ​ ​មាន​ប្រូ​តេអុី​ន​ខ្ពស់​ ​ការ​ញ៊ាំ​បន្លែ​ផ្លែឈើ​ ​ផឹកទឹក​អោយ​បាន​គ្រប់គ្រាន់​ ​រួម​ទាំង​ធ្វើ​លំ​ហាត់ប្រាណ​ផង​ដែរ​ ​ដើម្បី​ការ​ថែរក្សា​សម្រស់​កាន់តែ​ទទួល​បាន​ប្រសិទ្ធ​ភាព​៕​

© 2021 – 2022 K​A​K​CENT​ | ​រក្សាសិទ្ធិ​ដោយ​កាក់​សេន​
​សូម​ទាក់ទង​មក​ពួកយើង​ ​ប្រសិនបើ​អ្នក​ចង់​យក​មាតិកា​យើង​ទៅ​ប្រើប្រាស់​បន្ត​។​