តេីសេវាកម្មនិងអាជីវកម្មទាំងនោះមានអ្វីខ្លះ?
១. សេវាកម្មដឹកជញ្ជូន
ដ្បិតតម្រូវការម្នាក់ៗកើនឡើងកាន់តែច្រើនជាងធម្មតាក្នុងកំឡុងពេលនេះ
សេវាកម្មដឹកជញ្ជូនគ្រប់ប្រភេទទទួលបានការពេញនិយមលើសពីសព្វមួយដង។ សេវាកម្មដឹកជញ្ជូនដូចជាសេវាដឹកម្ហូបអាហារ ឯកសារ ពិសេសសេវាដឹកជញ្ជូនទំនិញonline កាន់តែមានភាពមមាញឹកដោយហេតុថាមនុស្សជាច្រើនមានភាពភ័យខ្លាចក្នុងការចេញញ៊ាំបាយក្រៅឬធ្វើដំណើរទៅយកឯកសារឫអីវ៉ាន់ជាដើម។ មិនតែប៉ុណ្ណោះ វាថែមទាំងផ្តល់ភាពងាយស្រួល និងចំណេញពេលវេលាទៀតផង។
២. ផ្សារទំនេីបលក់គ្រឿងទេស (Grocery Store)
ម្ហូបចំណី គ្រឿងទេស និងរបស់របរប្រើប្រាស់ក្នុងផ្ទះផ្សេងៗ
គឺជាតម្រូវការចាំបាច់ជាងគេក្នុងពេលនេះ។ ដោយសារតែការប្រុងប្រយ័ត្ន និងយកចិត្តទុកដាក់លើអតិថិជន ដូចជាដាក់ទឹកលាងដៃស្ងួតឲ្យប្រើប្រាស់ជាដើម អ្នកដើរផ្សារភាគច្រើន ជ្រើសទៅផ្សារទំនើបជាជាងផ្សារធម្មតា(ផ្សារត្រី)។ អ្នកប្រហែលចាប់អារម្មណ៍ហើយពេលអ្នកទៅផ្សារទំនេីបលក់គ្រឿងទេសដូចជា ផ្សារបាយ័ន ផ្សារទំនើបឡាក់គី និង ផ្សារទំនើបជីប ម៉ុងជាដើម ថាមានមនុស្សជាច្រើនសម្រុកទិញទំនិញ ហើយថែមទាំងទិញម្ហូបស្តុកទុកទៀតផង។
៣. អាជីវកម្មអនឡាញ
អាជីវកម្មតាមប្រព័ន្ធអនឡាញមានភាពពេញនិយមរួចទៅហើយ មិនថាមុនពេល ឬ កំឡុងពេលមានវិបត្តិCOVID-19ទេ។ ដោយហេតុថាប្រព័ន្ធអនឡាញមានបណ្តាញធំទូលាយអាចឲ្យអតិថិជនស្វែងរកទំនិញដែលខ្លួនត្រូវការបានយ៉ាងងាយស្រួលដោយគ្រាន់តែនៅមួយកន្លែងប៉ុណ្ណោះ។ ស្របពេលមនុស្សជាច្រើនកំពុងរក្សាគម្លាតសង្គមផងនោះ អាជីវកម្មអនឡាញរឹតតែអំណោយផល។ មិនថាចំណីអាហារ សម្ភារប្រើប្រាស់ប្រចាំថ្ងៃ
ពិសេសនោះគឺម៉ាស់ ទឹកអាល់កុលនិងជែលលាងដៃ ដែលតម្រូវការរឹតតែកើនឡើងក្នុងកំឡុងពេលនេះ។ អ្នកដែលធ្វើអាជីវកម្មអនឡាញ អាចទទួលបានប្រាក់ចំណូលច្រើនរហូតដល់គុណនឹង២ឯណោះ។
៤. សេវាទូទាត់ប្រាក់ដោយគ្មានសាច់ប្រាក់ (Cashless Payments, Digital Payments, E-payments)
គ្រប់គ្នាចាប់ផ្តេីមចៀសវាងការប៉ះពាល់សាច់ប្រាក់ ដោយសារខ្លាចមានការចម្លងមេរោគកូរ៉ូណា។ ហេតុនេះហើយ ការទូទាត់ប្រាក់ដោយគ្មានសាច់ប្រាក់ ទទួលបានការប្រើប្រាស់កាន់តែច្រើនជាងពេលមុនទៅទៀត។ បណ្តាមធ្យោបាយទូទាត់ប្រាក់ដោយគ្មានសាច់ប្រាក់នៅកម្ពុជាមានដូចជា WingPay, ABA Pay, Pi Pay, SmartLuy និង ប្រព័ន្ធបាគង(Bakong) របស់ធនាគារជាតិនៃកម្ពុជា។
សរុបមកយើងឃើញថាសេវាកម្ម និង អាជីវកម្មដែលបានរៀបរាប់ខាងលើនេះពិតជាទទួលបានភាពពេញនិយម និង មានការប្រើប្រាស់ជាច្រើនក្នុងកំឡុងវិបត្តិCOVID-19 នេះ។ ស្របពេលជាមួយគ្នានោះ វាគឺជាពេលវេលាមួយដែលម្ចាស់អាជីវកម្មទាំងនេះ នៅអាចរកប្រាក់ចំណូលបាន បើប្រៀបធៀបនឹងអាជីវកម្មដែលរងទង្គិចដទៃ ហើយអាជីវកម្មទាំងនេះក៏ផ្តល់ភាពងាយស្រួលដល់អតិថិជនក្នុងកំឡុងពេលរក្សាគម្លាតសង្គមដែរ៕
