លេង TikTok អាចរកលុយបានមែនអត់?

​យើង​ធ្លាប់​បាន​លើកឡើង​ម្ដង​រួចមក​ហើយពី​ ​T​i​k​To​k ​ដែល​អាច​នឹង​គ្រង​តំណែង​ជា​បណ្ដាញ​សង្គម​ធំ​នា​ពេល​អ​នាគ​ ​ដោយសារតែ​សន្ទុះ​នៃ​ការ​គាំទ្រ​ ​និង​ការ​កើន​ឡើង​នៃ​តម្លៃ​ក្រុមហ៊ុន​លោត​ឡើង​ខ្ពស់​ត្រឹមតែ​រយៈពេល​ ​២​-​៣​ឆ្នាំ​ ​ចុងក្រោយ​នេះ​។​ ​យ៉ាងណាមិញ​ ​ប្រសិនបើ​អ្នកជា​អ្នក​និយម​លេង​ ​T​i​k​ To​k ​ឬ​ធ្លាប់​ឮ​ពី​កម្មវិធី​នេះ​ពីមុន​មក​ ​តើ​អ្នក​ទាំងអស់គ្នា​មាន​ដឹង​ឬទេ​ថា​ ​T​i​k​To​k ​ក៏​ជា​កម្មវិធី​ដែល​អាច​ផ្ដល់​ប្រាក់ចំណូល​ដល់​អ្នក​បាន​ដូចគ្នា​។​

​៥​ ​វិធី​ខាងក្រោម​នេះ​ ​ជា​របៀប​រកលុយ​បាន​តាមរយៈ​ការ​លេង​ ​T​i​k​To​k​៖​

​១​. ​បង្កើត​អាជីវកម្ម​អន​ឡា​ញ​

​ដូចគ្នា​ទៅ​នឹង​ ​Face​book​ ​ឬ​ ​Y​ou​tube​ ​ដែរ​ ​អ្នក​អាច​បង្កើត​អាជីវកម្ម​ដើម្បី​លក់​ផលិតផល​ ​ឬ​សេវាកម្ម​របស់​អ្នក​ក្នុង​កម្មវិធី​នេះ​បាន​ ​ដែល​អាជីវកម្ម​តាម​អេឡិ​ក​ត្រូនិ​ក​ (​E​-​commerce​) ​ហាក់​កំពុង​ពេញ​និយម​ខ្លាំង​ក្នុង​បណ្ដាញ​សង្គម​ទី​ក​តុ​ក​ (​T​i​k​To​k) ​នេះ​។​ ​អាជីវករ​តាម​អន​ឡា​ញ​អាច​ផ្សព្វផ្សាយ​ ​លក់​ម្ហូបអាហារ​ ​ស​ម្លៀ​ក​បំពាក់​ ​ភេសជ្ជៈ​ ​គ្រឿងសំអាង​ជាដើម​ ​ក្រោម​ស្លាកយីហោ​ផ្ទាល់ខ្លួន​ ​ព្រមទាំង​អាច​កៀរគរ​អតិថិជន​មក​ទិញ​ដល់​ហាង​ផ្ទាល់​ក៏មាន​ ​បើសិនជា​មាន​អ្នកលេង​ទី​ក​តុ​ក​ផ្សេងទៀត​ ​បង្ហោះ​វីដេអូ​សរសើរ​ពី​គុណភាព​នៃ​ផលិតផល​ ​ឬ​សេវាកម្ម​ដែល​អ្នក​កំពុង​ជួញ​ដូរ​។​

---

​២​. ​ធ្វើខ្លួន​ឱ្យ​ក្លាយ​ជា​អ្នកមាន​ឥទ្ធិ​ល​ពល​ក្នុង​បណ្ដាញ​សង្គម​ (​Influence​r)

​អ្នកលេង​ត្រូវ​មាន​គំនិតច្នៃប្រឌិត​ក្នុង​ការ​ផលិត​មាតិកា​ (​Good​ ​Contents​) ​ដែល​វីដេអូ​ទាំងនោះ​ត្រូវ​កំណត់​គោលដៅ​ច្បាស់​ថា​ថា​ ​ជា​ប្រភេទ​មាតិកា​ដើម្បី​អប់រំ​ ​កំប្លែង​ ​ឬ​គ្រាន់តែ​ក​ម្សាន្ត​សប្បាយ​។​ ​នៅពេលដែល​ប្រជាប្រិយភាព​របស់​អ្នក​ពង្រីក​វិសាលភាព​ធំ​ទៅ​ៗ​ ​វា​ជា​ចំណុចវិជ្ជមាន​មួយ​ ​ដែល​អ្នក​អាច​នឹង​មាន​ក្រុមហ៊ុន​ ​ឬ​អាជីវកម្ម​ណាមួយ​ ​ត្រូវការ​បុគ្គល​ដែល​មាន​អ្នកគាំទ្រ​ច្រើន​ក្នុង​បណ្ដាញ​សង្គម​ ​T​i​k​To​k ​មក​ផ្សព្វផ្សាយ​ពី​ផលិតផល​ ​ឬ​សេវាកម្ម​ដែល​កំពុង​ដំណើរការ​លក់​ក្នុង​អាជីវកម្ម​ពួកគេ​។​

---

​៣​. ​ទាញ​យក​អត្ថប្រយោជន៍​ពី​ចំនួន​អ្នកគាំទ្រ​

​ដោយសារ​បច្ចុប្បន្ន​យើង​ឃើញ​ថា​ ​អ្នកលេង​ទី​ក​តុ​ក​ ​ពុំទាន់​អាច​​​រក​ប្រាក់ចំណូល​ពី​ការ​ផុស​វីដេអូ​ដូច​ ​Y​ou​tube​, ​Face​book​ ​ឬ​ ​Twitch​ ​នោះ​ឡើយ​។​ ​ដូចនេះ​ ​ក្រៅពី​ផ្សព្វផ្សាយ​ផលិតផល​ ​ពួកគេ​ក៏​អាច​លើកទឹកចិត្ត​ ​បញ្ចុះបញ្ចូល​ហ្វេ​ន​ពួកគេ​ឲ្យទៅ​ជួយ​ ​Sub​crib​e​ ​y​ou​tube​ ​channel​, ​ទំព័រ​ ​Face​book​ ​ឬ​ ​ចូល​ទៅ​ ​follow​ ​អា​ខោ​ន​ ​Inst​a​gram​ ​ជាដើម​ ​ដ្បិត​ថា​បណ្ដាញ​សង្គម​ទាំងនោះ​ ​អាច​ផ្ដល់​ប្រាក់ចំណូល​ដល់​ពួកគេ​ក្នុង​ពេល​បច្ចុប្បន្ន​។​ ​

យ៉ាងណាមិញ​ ​ក្រុមហ៊ុន​ ​T​i​k​To​k ​កំពុងតែ​រៀប​គម្រោង​បន្ថែម​រយៈពេល​វីដេអូ​ដល់ទៅ​ ​៣​នាទី​ក្នុង​មួយ​ឃ្លីប​ ​ហើយក៏​កំពុង​ត្រៀម​គម្រោង​កញ្ចប់​ប្រាក់​សម្រាប់​អ្នក​ផលិត​វីដេអូ​ល្អ​ៗ​ ​និង​មាន​ ​follower​ ​ច្រើន​ ​ដើម្បី​ឱ្យ​ពួកគេ​អាច​បង្កើន​ប្រាក់ចំណូល​បន្ថែម​ដូចគ្នា​ទៅ​នឹង​ ​Face​book​ ​Y​ou​tube​ ​ឬ​ ​Twitch​ ​ដែរ​។​

---

​៤​. ​បង្កើន​ប្រាក់ចំណូល​តាមរយៈ​ ​Gift​in​g​

​T​i​k​To​k ​បាន​ផ្ដល់​ជូន​នូវ​មុខងារ​ ​Live​ ​Stream​ ​មួយ​ដែល​អ្នកគាំទ្រ​អាច​ទិញ​នូវ​ ​Gift​ ​រួច​ផ្ញើ​ទៅកាន់​បុគ្គល​ណា​ម្នាក់​ដែល​ពួកគេ​ពេញចិត្ត​។​ ​កា​ដូរ​ (​Gift​) ​ទាំងនោះ​នឹង​ក្លាយ​ជា​ទៅ​ពេជ្រ​ក្នុង​កម្មវិធី​ ​T​i​k​To​k ​ដែល​ពេជ្រ​ទាំងនេះ​ហើយ​ ​ដែល​អ្នកទទួល​បាន​អាច​ប្ដូរ​ទៅជា​សាច់ប្រាក់​តាមរយៈ​ ​Pay​pal​ ​ឬ​តាមរយៈ​ការ​ទូទាត់ប្រាក់​ផ្សេងៗ​ទៀត​។​ ​

គួរ​បញ្ជាក់​ផង​ដែរ​ថា​ ​មុខងារ​ ​Live​ ​Stream​ ​មិនមែន​នរណា​ក៏​អាច​ ​Live​ ​បាន​នោះ​ឡើយ​ ​ដោយ​ ​T​i​k​To​k ​បាន​កំណត់​លក្ខខណ្ឌ​ទាំង​ចំនួន​វីដេអូ​ ​ចំនួន​អ្នកគាំទ្រ​ (​Follower​s) ​ក៏ដូចជា​ចំនួន​អ្នក​ឱ្យ​បេះដូង​ ​ចែករំលែក​មតិ​ប​ល់ ​និង​ចំនួន​អ្នក​ចុច​ ​Share​ វីដេអូ​របស់​អ្នក​។​

---

​៥​. ​បង្កើន​ប្រាក់ចំណូល​ក្នុងនាម​ជា​អ្នកជំនាញ​

 

​ក្រៅពី​ចំណុច​ដែល​បាន​រៀបរាប់​ខាងលើ​ ​ប្រសិនបើ​អ្នកជា​យល់​ដឹង​ស៊ី​ជម្រៅ​ ​និង​ជំនាញ​អ្វី​គ្រប់យ៉ាង​លើ​ ​T​i​k​To​k ​នោះ​មនុស្សជា​ច្រើន​កំពុង​ត្រូវការ​ជំនួយ​ពី​អ្នក​។​ ​អ្នក​អាច​ក្លាយទៅជា​អ្នក​ទីប្រឹក្សា​យោបល់​ដល់​ម្ចាស់​អាជីវកម្ម​ ​ក្រុមហ៊ុន​ ​បុគ្គល​ល្បី​ៗ​ដែល​ចង់​បង្កើន​ចំនួន​អ្នកគាំទ្រ​កាន់តែ​ច្រើន​ក្នុង​បណ្ដាញ​សង្គម​មួយ​នេះ​។​
​ក្រៅពី​ដើរតួ​ជា​អ្នកជំនាញ​ផ្ដល់​ការ​ប្រឹក្សា​យោបល់​ ​ប្រសិនបើ​អ្នកមាន​ជំនាញ​បង្កើត​គណនី​ដែល​អាច​មាន​ចំនួន​អ្នកគាំទ្រ​ច្រើន​បាន​នោះ​ ​អ្នក​អាច​លក់​គណនី​ទាំងនោះ​ទៅ​ឱ្យ​ម្ចាស់​អាជីវកម្ម​ ​ឬ​ក្រុមហ៊ុន​ណាមួយ​ ​ដោយ​ពួកគេ​ហ៊ាន​ចំណាយ​លុយ​ដើម្បី​ទិញ​គណនី​ ​ដែល​មាន​អ្នកតា​ម​ដាន​ច្រើន​ ​ដ្បិត​ថា​ម្ចាស់​អាជីវកម្ម​ខ្លះ​ ​មិន​ចង់​ចាយ​ពេលវេលា​ច្រើន​ក្នុង​ការ​កសាង​អា​ខោ​ន​ ​T​i​k​To​k ​ពី​ចំណុច​សូន្យ​នោះ​ទេ​។​

​

---

ដូច្នេះ​ ​បើសិនជា​អ្នក​ដាក់ចិត្ត​ ​ដាក់​កាយ​លេង​ ​T​i​k​To​k ​ចូរ​កុំ​ឱ្យ​មាន​ពាក្យ​តិះដៀល​រិះគន់​ថា​ “​លេង​ ​T​i​k​To​k ​គ្មាន​បានការ​ ​បាន​ប្រយោជន៍​អីសោះ​”​។​ ​T​i​k​To​k ​គឺជា​ប្រភព​ចំណូល​អកម្ម​ ​គួរឲ្យ​នឹកស្មាន​មិនដល់​ ​ដើម្បី​បង្កើន​ប្រាក់ចំណូល​ ​បើសិនជា​យើង​មាន​ភាព​វ័យ​ឆ្លាត​ក្នុង​ការប្រើប្រាស់​វា​។​ ​បណ្ដាញ​សង្គម​ជា​បច្ចេកវិទ្យា​មុខ​ពីរ​ជានិច្ច​ ​បើ​ប្រើ​វា​ត្រឹមត្រូវ​ ​បាន​ទាំង​លុយ​ ​ទាំង​ចំណេះ​ ​បើ​ប្រើ​ខុស​ ​វេទនា​ដល់​ប្រាណ​ទាំង​បច្ចុប្បន្ន​ ​និង​អនាគត​៕

Click here to read more: How Much do TikTokers Make?